కోలీవుడ్ స్టార్ హీరో విజయ్ ద‌ళ‌ప‌తి, టాలీవుడ్ డైరెక్ట‌ర్ వంశీ పైడిప‌ల్లి కాంబినేష‌న్‌లో ఓ క్రేజీ చిత్రం రూపుదిద్దుకుంటున్న సంగ‌తి తెలిసిందే. ఇందులో నేష‌న‌ల్ క్ర‌ష్ ర‌ష్మిక మంద‌న్నా హీరోయిన్‌గా న‌టిస్తోంది. విజ‌య్‌కు ఇది 66వ ప్రాజెక్ట్ కావ‌డంతో.. `ద‌ళ‌ప‌తి 66` వ‌ర్కింగ్ టైటిల్‌తో ఈ మూవీని ప్రారంభించారు.
శ్రీకాంత్‌, ప్ర‌భు, శ‌ర‌త్ కుమార్‌, సంగీత, సంయుక్త, యోగిబాబు త‌దిత‌రులు ఇందులో కీల‌క పాత్ర‌ల‌ను పోషిస్తున్నారు. శ్రీ వెంకటేశ్వ‌ర క్రియేష‌న్స్ బ్యాన‌ర్‌పై దిల్ రాజు, శిరీష్‌లు క‌లిసి నిర్మిస్తున్న ఈ చిత్రానికి తెలుగులో `వార‌సుడు`, త‌మిళంలో `వారిసు`గా టైటిల్స్‌ను ఖ‌రారు చేశారు.
అలాగే ఇప్ప‌టికే బ‌య‌ట‌కు వ‌చ్చిన విజయ్ లుక్స్ సైతం విశేషంగా ఆక‌ట్టుకున్నాయి. ఇదిలా ఉంటే.. ఈ సినిమాలో విజయ్ పాత్ర‌కు సంబంధించి ఓ ఇంట్ర‌స్టింగ్ న్యూస్ నెట్టింట వైర‌ల్‌గా మారింది. ఇటీవల వల ఈ సినిమా పోస్టర్ బట్టి చూస్తే విజయ్ ఇందులో సీఈఓ గా కనిపిస్తాడేమో అని అంతా భావించారు.
కానీ, లేటెస్ట్ స‌మాచారం ప్రకారం.. విజయ్ ఇందులో యాప్ డెవలపర్ గా నటిస్తున్నాడట. యాప్ డెవలపర్ నుంచి సీఈఓ గా విజయ్ ఎలా ఎదిగాడు అనే దానిపై ఈ సినిమా ఉంటుందని తాజాగా ఓ టాక్ బ‌య‌ట‌కు వ‌చ్చి నెట్టింట వైర‌ల్‌గా మారింది. మ‌రి నిజంగా విజయ్ `వార‌సుడు`లో యాప్ డెవలపర్ గా క‌నిపించ‌బోతున్నాడా..? లేదా..? అన్న‌ది చూడాలి.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!