ఓటీటీలోకి వ‌చ్చేస్తున్న విక్ర‌మ్ `కోబ్రా`.. ఇదిగో స్ట్రీమింగ్ డేట్‌!

కోలీవుడ్ సీనియర్ స్టార్ చియాన్ విక్రమ్ నుంచి రీసెంట్ గా వచ్చిన చిత్రం `కోబ్రా`. ఆర్ అజయ్ జ్ఞానముత్తు దర్శకత్వంలో రూపుదిద్దుకున్న యాక్షన్ థ్రిల్లర్ మూవీ ఇది. ఇందులో శ్రీనిధి శెట్టి హీరోయిన్‌గా నటించింది. ఇర్ఫాన్ పఠాన్, కె.ఎస్. రవికుమార్, రోషన్ మాథ్యూ త‌దిత‌రులు కీల‌క పాత్ర‌ల‌ను పోషించారు.

ఏ ఆర్ రెహమాన్ సంగీతం అందించారు. భారీ అంచనాల నడుమ ఆగస్టు 31న తెలుగు, తమిళ భాషల్లో విడుదలైన ఈ చిత్రం ప్రేక్షకులను ఏమాత్రం ఆకట్టుకోలేకపోయింది. ఇందులో విక్రమ్ డిఫరెంట్ గెటప్స్ లో బాగానే ఆకట్టుకున్నాడు. ఏ ఆర్ రెహమాన్ సంగీతం కూడా బాగుంది. కానీ కథా కథనం, సినిమా నడివి పెద్ద మైనస్‌లుగా మారాయి.

దీంతో లాంగ్ రన్ లో సగం వసూళ్లను కూడా రాబట్టలేక బాక్సాఫీస్‌ వద్ద ఈ చిత్రం బొక్క బోర్లా పడింది. అయితే ఇప్పుడు ఈ మూవీని ఓటీటీలో విడుదల చేసేందుకు సన్నాహాలు చేస్తున్నారు. కోబ్రా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ సోనీ లివ్ సొంతం చేసుకుంది. అయితే థియేటర్స్ లో ఈ చిత్రం అనుకున్న స్థాయిలో ప్రభావం చూపలేకపోయింది.

ఈ నేపథ్యంలోనే సెప్టెంబర్ 28 నుంచి ఈ మూవీని ఓటీటీ స్ట్రీమింగ్ చేసేందుకు సోనీ లివ్ డేట్ ను ఖరారు చేసింది. ఈ విషయాన్ని ట్విట్టర్ వేదికగా సోనీ లివ్ కన్ఫామ్ చేసింది. మరి థియేటర్స్‌లో ఆకట్టుకోలేకపోయిన ఈ చిత్రం ఓటీటీలో అయిన హిట్ అవుతుందేమో చూడాలి.

Chiyaan Vikram & Srinidhi Shetty நடிப்பில், இசை புயல் AR Rahmanனின் மிரட்டலான இசையில், பணத்திற்காக பல அதிரடியான அவதாரங்கள் எடுத்து கணிதத்தால் அனைவரையும் கலங்கடிக்கும் ஒரு சாமானிய ஆசிரியரின் கதை #Cobra Sept 28 முதல் உங்கள் #Sony LIVல் #CobraOnSonyLIV pic.twitter.com/ydJBWZIQt7

— SonyLIV (@SonyLIV) September 23, 2022

kavya N

See Full Bio