Abdullah of Pakistan : ప్రేమ గుడ్డిది అంటారు. ప్రేమకు వయసు అడ్డు రాదు. అది ఎప్పుడు ఎవరి మనసులో ఏ విధంగా పడుతుందో ఎవరికీ తెలియదు.ఆ విధంగా మనసులో ఒక వ్యక్తి పై ప్రేమ కలిగినప్పుడు ఎవరు ఎన్ని చెప్పినా వారికి వినిపించవు, కనిపించవు. ఈ నేపథ్యంలోనే ఎందరో ప్రేమలో పడి ప్రేమ వివాహాలు చేసుకుంటూ ఉండటం మనం చూస్తున్నాము. కానీ వయసుతో తారతమ్యం లేకుండా ప్రేమ పెళ్లిళ్లు చేసుకోవడం కొంతవరకు ఆశ్చర్యాన్ని కలిగిస్తున్నాయి. ఈ క్రమంలోనే ఎంతో వయసు కలిగినటువంటి మహిళలు తక్కువ వయసు కలిగిన అబ్బాయిలను పెళ్లి చేసుకుంటే అది ఒక పెద్ద చర్చనీయాంశంగా మారుతుంది. ప్రస్తుతం అలాంటి ఒక చర్చనీయాంశం ఘటన చోటు చేసుకుంది. పాకిస్తాన్ లోని 65 ఏళ్ల మహిళ 23 సంవత్సరాల కుర్రాడిని పెళ్లి చేసుకోవడం ప్రస్తుతం చర్చనీయాంశంగా మారింది. పూర్తి వివరాల్లోకి వెళితే…
23 సంవత్సరాలు గల అబ్దుల్లా గుంజారావాలాలోని, వర్పాల్ చాటలో నివాసముంటున్నాడు. వృత్తిపరంగా అబ్దుల్లా ఓ చిత్రకారుడు. చెక్ రిపబ్లిక్ లో ఉండాలని ప్రయత్నం చేస్తున్న అబ్దుల్లా సోషల్ మీడియాలో ఎప్పుడు యాక్టివ్ గా ఉంటాడు. ఈ నేపథ్యంలోనే ఫేస్ బుక్ ద్వారా అరియాన అనే మహిళతో పరిచయం ఏర్పడింది. దాదాపు రెండేళ్లుగా సాగిన వీరి పరిచయం కాస్త ప్రేమగా మారింది. ఎలాగైనా వీరిద్దరూ పెళ్లి చేసుకోవాలని భావించారు. కానీ అబ్దుల్లా కన్నా అరియాన వయసులో 42 సంవత్సరాలు పెద్దది అయినప్పటికీ వీరిద్దరూ కుటుంబ సభ్యులను పెళ్లికి ఒప్పించారు.
కానీ సంవత్సరం నుంచి వీరిద్దరూ వీసా కోసం ప్రయత్నిస్తున్న నేపథ్యంలో అధికారులు వీరి వీసాలను తిరస్కరిస్తూ వచ్చారు. అయితే వీరిద్దరూ కలుసుకోవడానికి ఎన్నో ప్రయత్నాలు చేసిన తర్వాత చెక్ రిపబ్లిక్ దేశంలోని రాయబారి కార్యాలయాన్ని అరియాన సంప్రదించిన తరువాత అతని సహాయంతో వీరిద్దరూ పరిచయం ఏర్పడిన మూడు సంవత్సరాల తర్వాత కలుసుకున్నారు. అనంతరం వీరిద్దరూ వివాహం చేసుకున్నారు. రిటైర్డ్ టీచర్ గా ఉన్న అరియాన ప్రస్తుతం అబ్దుల్లాకు ఇంగ్లీష్ నేర్పించే ప్రయత్నం చేస్తున్నారు. ఈ విధంగా వయసు తారతమ్యం లేకుండా ఒక్కటైన ఈ జంట గురించి ప్రస్తుతం సోషల్ మీడియాలో వైరల్ గా మారింది.
