సాధారణంగా చాలామంది కాకరకాయ అనే పేరు వినగానే వారి ముఖ కదళికలు మారిపోతాయి. కాకరకాయ రుచికి చేదుగా ఉండటం వల్ల ఎక్కువమంది దీనినే తినటానికి ఇష్టపడరు. కాకరకాయ అంటేనే వామ్మో అనేంతగా ఉంటారు. రుచికి కాకరకాయ ఎంతో చేదుగా ఉన్నా శరీరానికి ఇది ఒక అమృతంలా పనిచేస్తుందని చెప్పవచ్చు. ప్రతిరోజు కాకరకాయను తీసుకోవడం ద్వారా మన శరీరానికి కావలసిన ఆరోగ్యప్రయోజనాలను సమకూరుస్తుందని నిపుణులు తెలియజేస్తున్నారు. అయితే తరచూ కాకరకాయను తీసుకోవడం ద్వారా ఎలాంటి ఆరోగ్య ప్రయోజనాలను కలుగుతాయో ఇక్కడ తెలుసుకుందాం.
క్రమం తప్పకుండా కాకరకాయను మన ఆహారంలో చేర్చుకోవడం వల్ల మన ఆరోగ్యంపై సానుకూల ప్రభావం చూపుతుంది. కాకరకాయను ప్రతి రోజూ తీసుకోవడం వల్ల మలబద్ధకాన్ని నివారించి జీర్ణక్రియను మెరుగుపరుస్తుంది. అంతేకాకుండా కడుపునొప్పి పేగుల రుగ్మతలను నయం చేయడమే కాకుండా, జీర్ణవ్యవస్థలోకి ప్రవేశించే హానికర బ్యాక్టీరియాలను నాశనం చేయడంలో కీలక పాత్ర పోషిస్తుంది. ఇందులో అధిక శాతం ఫైబర్ ఉండటం వల్ల మలబద్దక సమస్య నుంచి పూర్తిగా విముక్తి కలిగిస్తుంది.
మధుమేహంతో బాధపడే వారు కాకరకాయను తీసుకోవడం ద్వారా మధుమేహాన్ని అదుపులో ఉంచుతుంది. ఇందులో యాంటీ బయోటిక్ లక్షణాలతో కూడి ఉన్న మూడు క్రియాశీల పదార్థాలు ఉన్నాయి. అవి పాలీపెప్టైడ్-పి, వైసిన్, చరణి. ఇవి ఇన్సులిన్ లాంటి లక్షణాలు కలిగి రక్తంలో గ్లూకోజ్ స్థాయిలను తగ్గించి మధుమేహాన్ని అదుపులో ఉంచుతుంది.కాకరకాయలో విటమిన్ సి అధికంగా లభించటం వల్ల మన శరీరానికి కావాల్సినంత రోగనిరోధక శక్తిని మెరుగుపరుస్తుంది.
కాకరకాయలో ఉన్న యాంటి మైక్రోబియల్, యాంటీ ఆక్సిడెంట్ లక్షణాలు మన శరీరంలో పేరుకుపోయిన చెడు కొలెస్ట్రాల్ ను తగ్గించడంలో కీలక పాత్ర పోషిస్తుంది.ఈ విధంగా చెడు కొలెస్ట్రాల్ కరగడం వల్ల గుండెకు సంబంధించిన వ్యాధుల నుంచి పూర్తిగా విముక్తి పొందవచ్చు. మన శరీరంలో క్యాన్సర్ కు దారితీసే ఫ్రీరాడికల్స్ ను తొలగించడంలో కాకరకాయ కీలక పాత్ర పోషిస్తుంది. ఇందులో ఉన్న ప్రోటీన్లు, విటమిన్, జింక్, మెగ్నీషియం వంటి పోషకాలు జుట్టు పెరుగుదలకు కీలక పాత్ర పోషిస్తాయి. ఈ విధంగా ప్రతి రోజు కాకరకాయను మన ఆహారంలో చేర్చుకోవడం వల్ల ఇన్ని ఆరోగ్య ప్రయోజనాలను పొందవచ్చని నిపుణులు తెలియజేస్తున్నారు.
