Trump Biden : అమెరికా ప్రస్తుత అధ్యక్షుడు జో బైడెన్ మాజీ అధ్యక్షుడు డొనాల్డ్ ట్రంప్ పై ఆసక్తికర వ్యాఖ్యలు చేశాడు. అమెరికా ఆనవాయితీ ప్రకారం దేశ భద్రతకు సంబంధించి నటువంటి రహస్య విషయాలను మాజీ అధ్యక్షులకు తెలియ చెప్పడం ఆనవాయితీగా వస్తోంది. అయితే ప్రస్తుతం ఉన్న అమెరికా అధ్యక్షుడు బైడెన్ మాత్రం ఇందుకు భిన్నంగా అమెరికా మాజీ అధ్యక్షుడు అయినటువంటి డోనాల్డ్ ట్రంప్ కు తమ దేశ భద్రతకు సంబంధించిన రహస్య విషయాలను చెప్పబోమని స్పష్టంగా తెలియజేశారు. దేశ భద్రత విషయంలో అనాదిగా వస్తున్న ఆచారానికి ప్రస్తుత అధ్యక్షుడు స్వస్తి పలికారు. ఇదే విషయాన్ని బైడెన్ ఓ మీడియా ఛానల్ కు ఇచ్చిన ఇంటర్వ్యూ సందర్భంగా తెలియజేశారు.
దేశ భద్రత రహస్య విషయాలను డోనాల్డ్ ట్రంప్ కు చెప్పాల్సిన అవసరం లేదని నేను భావిస్తున్నాను. కీలక సమాచారాన్ని ఆయనకు చెప్పడం వల్ల లాభం ఏమిటి? ఈ రహస్య విషయాలు తనకు చెప్పడం వల్ల ఎక్కడో ఒక చోట నోరు జారితే దేశ భద్రతకే సమస్య ఏర్పడుతుందని, అందుకోసమే రహస్య విషయాలను డోనాల్డ్ ట్రంప్ కు చెప్పమని జో బైడెన్ తెలియజేశారు.
సాధారణంగా అయితే అమెరికాలో వస్తున్న ఆచారం ప్రకారం మాజీ అధ్యక్షులకు దేశభద్రత విషయాలను తెలియజేయాలి. అలాంటి విషయాలను ప్రస్తుత అధ్యక్షులకు సమ్మతమైనప్పుడు మాత్రమే తెలియజేయాల్సి ఉంటుంది. అయితే ప్రస్తుతం ఉన్న మాజీ అధ్యక్షుడుకి రహస్య విషయాలను తెలియజేయడం వల్ల అమెరికాకు ప్రమాదాన్ని కొనితెచ్చుకున్నట్లే భావిస్తున్నారు.ప్రస్తుత మాజీ అధ్యక్షుడుని లక్ష్యంగా పెట్టుకొని శత్రుదేశాలన్ని అమెరికాకు సంబంధించిన కీలక సమాచారాన్ని తెలుసుకొని ప్రయత్నాలు చేసే అవకాశం ఉంటుందని జాతీయ భద్రతా విభాగానికి ప్రిన్సిపల్ డిప్యూటీ డైరెక్టర్గా వ్యవహరించిన గోర్డన్ అభిప్రాయపడ్డారు. అంతేకాకుండా మాజీ అధ్యక్షులకు ఇతర దేశాలలో వ్యాపారాలు ఉండటంవల్ల వాటి నుంచి ఆదాయం పొందడం కోసం ట్రంప్ అమెరికా రహస్య విషయాలను తెలియజేసే అవకాశం ఉంటుందని భావించడంతో ప్రస్తుత అధ్యక్షులు రహస్య విషయాలను డోనాల్డ్ ట్రంప్ కు తెలియజేయమని స్పష్టం చేశాయి.