Lionel Messi: ఫుట్ బాల్ స్టార్ ప్లేయర్ అర్జెంటీనా కెప్టెన్ లియోనెల్ మెస్సి సంచలన ప్రకటన చేయడం జరిగింది. ఖతర్ వేదికగా జరుగుతున్న ఫిఫా ప్రపంచకప్ తన లాస్ట్ వరల్డ్ కప్ మ్యాచ్ అని ఓ ప్రముఖ టీవీ ఛానల్ కి ఇచ్చిన ఇంటర్వ్యూలో తెలియజేశాడు. ఇప్పటివరకు సాధించిన విజయాలతో చాలా సంతోషంగా ఉన్నాను. మరో ప్రపంచ కప్ ఆడాలంటే చాలాకాలం ఎదురు చూడాలి. సో అప్పటి వరకు నేను ఆడగలుగుతాను అని నేను అనుకోవడం లేదు. ఈ ఫైనల్ తోనే నా ప్రపంచకప్ ప్రయాణం ముగించాలని భావిస్తున్నాను అని తెలియజేయడం జరిగింది.
లియోనెల్ మెస్సి ప్రకటనతో అభిమానులు నిరుత్సాహం చెందుతున్నారు. ఈ ప్రకటనపై పునరాలోచించాలని కోరుతున్నారు. మంగళవారం ఫిఫా ప్రపంచకప్ మొదటి సెమీఫైనల్ లో క్రోయోషియాతో… అర్జెంటీనా జట్టు తలపడటం జరిగింది. ఈ మ్యాచ్ లో 3-0 తేడాతో విజయం సాధించటంతో ఫైనల్ కి అర్జెంటీనా చేరడం జరిగింది. ఈ సందర్భంగా మీడియాతో మాట్లాడుతూ ఈ ప్రపంచకప్ ఫైనల్ మ్యాచే అర్జెంటీనా తరపున తాను ఆడబోయే చివరి మ్యాచ్ అని స్పష్టం చేయడం జరిగింది. సెమీఫైనల్ మ్యాచ్ మొదటి అర్థం భాగంలో మెస్సి మొదటి గోల్ వేయడం జరిగింది. ఈగోల్ తో ఈ ప్రపంచ కప్ లో ఐదు గోల్స్ వేసుకోవడం జరిగింది. ఇదే సమయంలో వరల్డ్ కప్ లలో అత్యధికంగా 11 గోల్స్ అర్జెంటీనా జట్టు తరపున వేసిన ప్లేయర్ గా లియోనెల్ మెస్సి రికార్డు క్రియేట్ చేయడం జరిగింది. ఇక ఇదే సమయంలో కెప్టెన్ గా అర్జెంటీనాకి ఎలాగైనా ప్రపంచకప్ అందించే దిశగా మెస్సి ఆలోచనలు చేస్తున్నాడు.
అర్జెంటీనా ప్రపంచకప్ గెలిచి దాదాపు.. 36 సంవత్సరాలయింది. 1978, 1986 తర్వాత అర్జెంటీనా మరొక ప్రపంచ కప్ గెలవలేదు. ఈ క్రమంలో ఖతర్ వేదికగా జరుగుతున్న ప్రపంచ కప్ టోర్నీలో లియోనెల్ మెస్సి.. టైటిల్ గెలిస్తే మాత్రం అర్జెంటీనా దిగ్గజం మారడోనా తర్వాత కప్ అందించిన కెప్టెన్ గా లియోనెల్ మెస్సి చరిత్ర సృష్టించినట్లు అవుతుంది. ఫుట్ బాల్ టోర్నీలో అనేక మైలురాళ్లు అందుకున్న మెస్సి ఎలాగైనా.. ఈ ఫైనల్ మ్యాచ్ గెలవాలని అర్జెంటీనాకు కప్ అందించాలని.. తన కల నెరవేర్చుకోవాలని అనుకుంటున్నాడు. ఇదిలా ఉంటే ఈ ప్రపంచ కప్ టోర్నీలో పోర్చుగీస్ ఓటమి చెందడంతో మరో ఫుట్ బాల్ స్టార్ ప్లేయర్ రోనాల్డో కూడా.. తన చివరి ప్రపంచకప్ టోర్నీ ఆడినట్లు అయింది. ఈ ప్రపంచకప్ టోర్నీలో తన టీం ఓటమి చెందటంతో … రోనాల్డో కన్నీరు పెట్టుకున్నాడు. ఈ ప్రపంచ కప్ స్టార్ ఆటగాళ్లు లియోనెల్ మెస్సి, రోనాల్డో లకి చివరిది కావటంతో ఫుట్ బాల్ లవర్స్ సైతం బాధపడుతున్నారు.