Weight Loss: కాస్త బరువు పెరుగుతున్నట్లు అనిపించగానే కడుపు మార్చుకోవడం లేదంటే చపాతీలు తినడం మొదలు పెడతారు.. ప్రతిరోజు చపాతీలు తిని బోర్ కొడుతుందా..!? గోధుమ పిండికి బదులు ఈ నాలుగు రకాల పిండ్లు ట్రై చేయండి..!! చక్కటి రుచిని అందించడంతో పాటు బరువు తగ్గొచ్చు..!! అవెంటంటే..!?
గోధుమ పిండి లో గూటెన్ ఉంటుంది. ఇప్పుడు మనం చెప్పుకునే పోడర్స్ లో గూటెన్ ఉండదు. గూటెన్ రహిత పిండి లో మొదటిది సజ్జ పిండి.. ఇందులో ప్రోటీన్స్, ఫైబర్, మెగ్నీషియం, ఐరన్, వంటి పోషకాలను కలిగి ఉంది. ఇది కొద్దిగా తిన్నా కూడా కడుపు నిండిన భావనను కలిగిస్తుంది. త్వరగా ఆకలి వేయదు. చిరుతిళ్ళ జోలికి మళ్లకుండా ఉంటారు ఫలితంగా బరువు తగ్గుతారు. ఇక రెండవది రాగిపిండి. ఇందులో ఫైబర్, అమైనో ఆమ్లాలు సమృద్దిగా ఉంటాయి. ఈ పిండి తో రొట్టెలు చేసుకుని తింటే త్వరగా బరువు తగ్గడానికి సహాయపడుతుంది. దీని తో జావ, లడ్డు, సంకంటి వంటి రకరకాల ఆహార పదార్థాలు తయారు చేసుకొని తినవచ్చు.
ఓట్స్ పిండి లో కరిగే, కరగని ఫైబర్ రెండు ఉంటాయి. దీనితో రొట్టెలు తయారు చేసుకొని తింటే కడుపు నిండుగా ఉంటుంది. త్వరగా ఆకలి వేయదు. ఫలితంగా బరువు తగ్గొచ్చు. ఇంకా గుండె సంబంధిత సమస్యలను దరిచేరనివ్వదు. మధుమేహులకు కూడా అద్భుతంగా పనిచేస్తుంది. గూటెన్ రహిత పిండి లలో ఇక చివరిది జొన్న పిండి. ఈ పిండితో రొట్టెలు తయారు చేసుకొని తింటే త్వరగా జీర్ణమవుతాయి. అధిక బరువు ను తగ్గిస్తుంది. ఇది రక్తంలో చక్కెర స్థాయిలను నియంత్రిస్తుంది. గుండె ఆరోగ్యాన్ని పదిలంగా ఉంచుతుంది.