Life : ధర్మాలను పాటిస్తూ
అబద్ధం చెప్పకూడదని, కష్టపడి చదవాలని, ఇతరులతో గౌరవంగా ఉండాలని, ఎవరితోనూ గొడవలకి వెళ్లకూడదని,దయతో ఉండాలి అని చిన్నతనం నుంచే మన తల్లిదండ్రులు ,ఉపాధ్యాయులు , మన చుట్టూ ఉన్న పెద్దలు మంచి ప్రవర్తనని అలవాటు చేస్తుంటారు. అయితే మనలో కొంతమంది వీటిని మర్చిపోతారు లేదా సరిగా పట్టించుకోరు. మంచి నడవడిక కలిగి ఉంటే మనిషి జీవితం ఎలా ఉంటుంది?చెడు ప్రవర్తన వలన ఎలా ఉంటుందిఅనేది మన రామాయణ ,భారతాలు నిలువెత్తు సాక్షాలు.కాలం ఎంత మారిన కూడా చెడ్డ పనులు చేస్తుంటే పతనం తప్పనట్టే,మంచి పనులతొ కూడా విజయం తప్పదు అని ఎప్పుడు మరువకూడదు. ఈరోజులలో కూడా సహనం,దయ,నిజాయితీ, ఔదార్యం, లాంటి ధర్మాలను పాటిస్తూ జీవితాన్ని గడిపేవారి జీవితం ఎంత గొప్పగా ఉందో మనం చూస్తూనే ఉన్నాం. ఒక వ్యక్తి తన జీవితంలో ఏ ఎలాంటి ధర్మాలను పాటించాలి అనేది తెలుసుకుందాం.
Life : జీవితం లో కావలసినవి :
1. సహనం 2. దయ 3.ప్రేమ 4. ఉదారత 5. దొంగతనం చెయ్యకుండా ఉండడం 6. నిజాయితీ 7. అబద్దం చెప్పకుండా ఉండడం 8. కష్టపడే తత్వం 9. బద్దకం లేకపోవడం 10. సర్దుకునే తత్వం11.అతి చెయ్యకపోవడం 12. కృతజ్ఞత తో ఉండడం 13. వినయం 14. నిర్మలత్వం15. క్రమశిక్షణ 16. క్షమించడం 17.సమయపాలన 18.విశ్వాసం 19.గాయ పరచకపోవడం 20. ధైర్యం
జీవితకాలం
ధర్మాల జాబితా చాలా పెద్దది కావచ్చు కానీ ఈ ధర్మాలను జీవితంలో అలవాటు చేయడానికి సమయం పట్టినకూడా కృషి చేయడం అనేది అవసరం. ఇంకా చెప్పాలి అంటే ఈ ధర్మాలను నేర్చుకోవటానికి ఒకో సారి జీవితకాలం కూడా పట్టవచ్చు. అయితే కొన్ని సద్గుణాలు సహజంగా పుట్టుకతోనే వస్తుంటాయి. కొన్ని ధర్మాలను అలవాటు చేసుకోవడానికి మాత్రం మనం చాలా కష్టపడాలి. ఆ కష్టం యొక్క ఫలం మాత్రం చాలా అద్భుతం గా ఉంటుంది.
