Hair: ఈ రోజుల్లో ఎక్కువమంది బాధపడుతున్న సమస్యలలో జుట్టు సమస్య కూడా ఒకటి.. తలలో తగినంత తేమ లేకపోవడం వలన చుండ్రు సమస్య, జుట్టు రాలిపోవడం వంటి రకరకాల హెయిర్ ప్రాబ్లమ్స్ వస్తూ ఉంటాయి. జుట్టు సమస్య ఏదైనా సరే గ్లిజరిన్ తో చెక్ పెట్టవచ్చు అంటున్నారు నిపుణులు. గ్లిజరిన్ ను ఎక్కువగా బ్యూటీ కేర్ ప్రొడక్ట్స్ లో ఉపయోగిస్తూ ఉంటారు. అటువంటి గ్లిజరిన్ ఏ విధంగా హెయిర్ పెరగడానికి సహాయపడుతుందో ఇప్పుడు చూద్దాం..
గ్లిజరిన్ అన్ని రకాల జుట్టు సమస్యలకు చెక్ పెడుతుంది. గ్లిజరిన్ జుట్టుకు కావలసినంత తేమను అందిస్తుంది. కొబ్బరి నూనెలో సమాన మోతాదులో గ్లిజరిన్ కలిపి తరువాత తలస్నానం చేస్తే జుట్టుకు కావలసిన తేమను అందిస్తుంది. అలాగే ఆముదం లో కూడా ఒక చెంచా గ్లిజరిన్ కలిపి తలకు పట్టించాలి.. గాఢత తక్కువ ఉన్న షాంపుతో తలస్నానం చేయాలి. ఇలా చేస్తే జుట్టు ఒత్తుగా పెరుగుతుంది. అన్ని రకాల జుట్టు సమస్యలను కూడా తగ్గిస్తుంది. అలాగే గ్లిజరిన్ హెయిర్ మాస్క్ వేసుకోవడం వల్ల అన్ని రకాల జుట్టు సమస్యలను తగ్గించడంతోపాటు జుట్టు ఒత్తుగా పెరగడానికి సహాయపడుతుంది.
గ్లిజరిన్ హెయిర్ మాస్క్..
గ్లిజరిన్ హెయిర్ మాస్క్ కి రెండు చెంచాలు ఆముదం, రెండు చెంచాలు కొబ్బరి నూనె, ఒక చెంచా గ్లిజరిన్, ఒక చెంచా తేనే, ఒక కోడిగుడ్డు అవసరం. ముందుగా ఒక బౌల్ తీసుకొని అందులో ఆముదం, కొబ్బరినూనె, గ్లిజరిన్, తేనె వేసి బాగా కలుపుకోవాలి. కోడిగుడ్డులోని తెల్లసొన కూడా వేసుకొని అన్ని కలిసేలాగా బాగా కలుపుకోవాలి. ఇలా తయారు చేసుకున్న మిశ్రమాన్ని తలకు పట్టించాలి 20 నిమిషాల తరువాత గాఢత తక్కువగా ఉన్న షాంపూతో తలస్నానం చేయాలి. డామేజ్ అయినా హెయిర్ కి ఈ హెయిర్ మాస్క్ ఉపయోగపడుతుంది. జుట్టు రాలకుండా చిట్లిపోకుండా ఉంచుది అలాగే చుండ్రు సమస్యను నివారిస్తుంది. జుట్టు ఒత్తుగా పొడవుగా పెరగడానికి సహాయపడుతుంది.