రోజుకో ఆపిల్ తింటే డాక్టర్ దగ్గరకు వెళ్ళనవసరం లేదు అనేది నానుడి.. ఆపిల్ ఆరోగ్యానికి మంచిదని అందరికీ తెలిసిందే.. రోజు ఆపిల్ పండుని తింటే అనారోగ్య సమస్యల దరిచేరవు.. కొబ్బరి కూడా మన ఆరోగ్యానికి చాలా మంచిది.. అటువంటి కొబ్బరి ఆపిల్ రెండింటిని కలిపి పిల్లలకు తినిపిస్తే ఎంతో మేలు.. పైగా ఈ రెండింటిలో బోలెడన్ని పోషకాలు లభిస్తాయి.. కొబ్బరి ఆపిల్ హల్వా ఎప్పుడైనా తిన్నారా.. తింటే ఎంత బాగుంటుందో తెలుసా.. ఈ హల్వా తయారు చేసి పిల్లలకు చేసి పెడితే ఎంతో ఇష్టంగా లాగించేస్తారు.. కొబ్బరి యాపిల్ హల్వా ఎలా తయారు చేయాలో ఇప్పుడు చూద్దాం..
కొబ్బరి ఆపిల్ హల్వా తయారీకి కావలసిన పదార్థాలు :
ఒక కప్పు పచ్చి కొబ్బరి తురుము, ఆపిల్ ఒకటి, డ్రై ఫ్రూట్స్ గుప్పెడు, చిక్కని పాలు ఒక కప్పు, చెక్కెర పావు కప్పు, నెయ్యి రెండు చెంచాలు.
ముందుగా ఆపిల్ తొక్క తీసి సన్నగా తురుముకోవాలి. లేదంటే ఆపిల్ ను చిన్న ముక్కలుగా కట్ చేసి మిక్సీ పట్టి గుజ్జులా తయారు చేసుకోవాలి.. ఇప్పుడు పొయ్యి మీద ఒక గిన్నె పెట్టి అందులో పాలు పోసి బాగా మరిగించాలి. ఇందులో పంచదార, యాపిల్ గుజ్జు వేసి కలిపి పది నిమిషాల పాటు ఉడికించాలి.. ఈ మిశ్రమం దగ్గర పడేలోపు..
ఒక పాన్ తీసుకొని రెండు నిమిషాలు నెయ్యి వేసి డ్రై ఫ్రూట్స్ వేసి బాగా వేయించుకోవాలి.. ఇప్పుడు ఆపిల్ మిశ్రమం దగ్గర పడ్డాక అందులో కొబ్బరి తురుము యాలకుల పొడి వేసి మరో ఐదు నిమిషాల పాటు ఉడికించుకోవాలి చివరిగా ముందుగా వేయించి పెట్టుకున్న డ్రై ఫ్రూట్స్ యాలకుల పొడి వేసి కలపాలి అంతే టేస్టీ టేస్టీ ఆపిల్ కొబ్బరి హల్వా రెడీ. మీకు పంచదార వద్దనుకుంటే చివరిలో ఐదు నిమిషాలు తేనెను కలుపుకోండి..