Cabbage: క్యాబేజీ అంటే కొందరికి ఇష్టం ఉండదు.. మరికొందరికి మంచూరియా, గోబి, క్యాబేజీ పచ్చడి అంటే చాలా ఇష్టం.. క్యాబేజీ లో విటమిన్స్, మినరల్స్, యాంటీ ఆక్సిడెంట్స్ పుష్కలంగా ఉన్నాయి. ఇవి దీర్ఘకాలిక వ్యాధులను ఎదుర్కోవడంలో ముందుంటుంది.. క్యాబేజీ తింటే లాభాలే కాదు నష్టాలు కూడా ఉన్నాయి.. ముఖ్యంగా కొన్ని అనారోగ్య సమస్యలతో బాధపడుతున్న వారు దీనిని అస్సలు తినకూడదు..!! ఏ సమస్యలు ఉన్నవారు తినకూడదంటే..!?
విరోచనాలు అవుతున్నప్పుడు క్యాబేజీ ని తినకూడదు. తింటే ఇంకా ఎక్కువగా అవుతాయి. అందరికీ రక్తం మందంగా ఉంటుంది. అటువంటి వారు రక్తం పలచన అవడానికి మందులు వాడుతుంటారు. ముఖ్యంగా ఇలా మందులు వాడుతున్నప్పుడు క్యాబేజీని తినకూడదు. ఎందుకంటే ఇందులో విటమిన్ కే ఉంటుంది. ఇది రక్తం గడ్డ కట్టడానికి దోహదపడుతుంది. దాంతో సమస్య మరింత తీవ్రం కావచ్చు. ఉదర సంబంధిత సమస్యలతో బాధపడుతున్నారు కూడా క్యాబేజీ ని తిసుకోకూడదు. ఎందుకంటే క్యాబేజీలో అధిక భాగం రిఫినోస్ ఉంటుంది. ఇది తింటే సరిగ్గా జీర్ణం కాదు. అసిడిటీ, అజీర్తి, గ్యాస్, కడుపు నొప్పి సమస్యలు ఉన్నవారు దీన్ని తింటే ఇంకా ఎక్కువ కావచ్చు. అందువలన ఈ సమస్యలు ఉన్నవారు తినకపోవడమే ఉత్తమం.
క్యాన్సర్ కణాలను అడ్డుకోవడంలో క్యాబేజీ లోని పోషకాలు సహకరిస్తాయి. కానీ క్యాన్సర్ బారిన పడిన వారు మాత్రం దీనిని తినకూడదు. తిన్నా ఎటువంటి ప్రయోజనాలు కలగవు. పైగా తింటే విరోచనాలు అవుతాయి. థైరాయిడ్ సమస్య ఉన్నవారు తినకూడదు. ముఖ్యంగా హైపోథైరాయిడిజంతో బాధపడే వారు అస్సలు తినకూడదు. ఎందుకంటే క్యాబేజీ థైరాయిడ్ గ్రంథి పై ప్రభావం చూపుతుంది. అందువలన వీరు అస్సలు తీసుకోకూడదు.
