Plank: వ్యాయామం మన ఆరోగ్యానికి చాలా మేలు చేస్తుంది.. ప్రతిరోజు వ్యాయామం చేయడం వల్ల మన శరీరంలోని అన్ని అవయవాలు నూతన ఉత్సాహాన్ని పొందుతాయి.. రోజు వ్యాయామం చేస్తూ ఆరోగ్యమే కాదు ఆ రోజంతా యాక్టివ్ గా ఉంటారు.. బ్రెయిన్ షార్ప్ గా పని చేస్తుంది.. ఇప్పుడు మనం చెప్పుకోబోయే ఆసనం వేయడం వలన వెన్నునొప్పి తగ్గించడంతో పాటు బరువు తగ్గడానికి సహాయపడుతుంది..!
ప్లాంక్ ఆసనం వేయడం వలన చక్కటి ప్రయోజనం పొందవచ్చు.. భుజాలు ఆబ్స్, మీద చాలా ప్రభావం చూపుతుంది. ఎంతసేపు ఆ పొజిషన్ లో ఉంటే అంతా బెనిఫిట్స్ పొందవచ్చు. అయితే మొదట్లో కాస్త కష్టంగా ఉంటుంది కానీ తరువాత అలవాటు అయిపోతుంది. ఓవరాల్ ఫ్యాట్ తగ్గించడంలో ఈ ఆసనం చక్కగా ఉపయోగపడుతుంది. స్టామినాను పెంచుతుంది..
ప్లాంక్ చేసేటప్పుడు అదనపు కేలరీలు ఖర్చవుతాయి. పొట్టలో కొవ్వును కరిగిస్తుంది ఎక్కువగా ఒకే చోట కూర్చొని వాళ్ళలో పొట్ట దగ్గర పెరిగే కొవ్వును కరిగిస్తుంది. జీవక్రియ రేటు పెరుగుతుంది. కండరాలను బలోపేతం చేస్తుంది. ప్లాంక్ చేస్తే వెన్ను కండరాలు దృఢంగా అవుతాయి. వెన్ను నొప్పి నుంచి ఉపశమనం కలుగుతుంది. అలసట, ఒత్తిడి తగ్గుతుంది. మానసిక ఆరోగ్యం కూడా మెరుగవుతుంది.
