Hair & Beauty: నల్ల ద్రాక్ష తింటే ఆరోగ్యానికి మంచిదని అందరికీ తెలిసిందే.. ఇది ఆరోగ్యంతో పాటు అందాన్ని కూడా పెంచుతుంది.. అంతేనా కురుల సంరక్షణ కూడా ఈ పండు సొంతమట..!! అందుకు నల్ల ద్రాక్ష లో ఉండే పోషకాలు కారణం..!! బ్లాక్ గ్రేప్స్ ను ఏ విధంగా తీసుకుంటే కేశ సంరక్షణ తో పాటు అందాన్ని ఎలా పెంపొందించుకోవాలో ఇప్పుడు తెలుసుకుందాం..!!
చామంతి పూల రసం చెరుకు రసం నల్ల ద్రాక్ష రసం మూడింటిని సమపాళ్లలో తిసుకొని.. ముఖానికి అప్లై చేసి పది నిమిషాల తర్వాత గోరువెచ్చని నీటితో కడిగేయాలి ఇలాచేస్తే ముఖం కాంతివంతంగా మారుతుంది. లేదంటే ద్రాక్ష పండు రసాన్ని నేరుగా ముఖానికి అప్లై చేసుకుని పదినిమిషాల తర్వాత గోరువెచ్చటి నీటితో కడిగేసుకుంటే చర్మసౌందర్యం పెరుగుతుంది. వృద్ధాప్య ఛాయలు రాకుండా చేస్తుంది. నిత్య యవ్వనంగా ఉంచుతుంది. నల్ల ద్రాక్ష రసం లో ఒక టేబుల్ స్పూన్ కొబ్బరి నూనె జోజోబా ఆయిల్ తేనె బాదం పొడి కలిపి హెయిర్ ప్యాక్ ఎలా తయారు చేసుకోవాలి. ఈ గ్రేప్స్ హెయిర్ మాస్క్ ను తలకు పట్టించి అరగంట తర్వాత గోరువెచ్చని నీటితో తల స్నానం చేయాలి. ఇలా చేస్తే జుట్టు ఆరోగ్యంగా ఒత్తుగా పెరుగుతుంది.
బ్లాక్ గ్రేప్ సీడ్ ఆయిల్ లో యాంటీ ఆక్సిడెంట్స్, విటమిన్ ఇ పుష్కలంగా ఉన్నాయి. ఈ నూనెను తలకు రాసుకోవడం వలన జుట్టు రాలకుండా , చివర్ల చిట్లకుండా చేస్తుంది. అంతే కాకుండా తెల్ల జుట్టు రాకుండా మీ శిరోజాలు ఆరోగ్యంగా ఉంచడంలో ఈ నూనె కీలక పాత్ర పోషిస్తుంది. ఈ నూనె జుట్టు పెరుగుదలను ప్రోత్సహిస్తుంది. అన్నిరకాల జుట్టు సమస్యలకు నల్ల ద్రాక్ష నూనె ఉపయోగపడుతుంది. ప్రతిరోజు నల్లద్రాక్షను తింటూ ఉంటే అందం, ఆరోగ్యం, కేశ సౌందర్యం మీ సొంతం..
