Chamoline Tea: చామంతి పూల టీ తాగటం మంచిదని న్యూట్రీషన్లు చెబుతున్నారు.. దీనిలోని ఫ్లేవనాయిడ్స్ లో ఔషధ గుణాలు ఉన్నాయి. ఈ సీజన్ లో వచ్చే ఈ పూల టీ తాగితే ఆరోగ్యానికి మంచిదని తెలుసుకున్నాం.. మరి అందం మాటేంటి అంటారా..!? చామంతి టీ ఏ విధంగా ఉపయోగిస్తే మన అందాన్ని రెట్టింపు చేస్తుంది ఇప్పుడు తెలుసుకుందాం..!!
చామంతి టీ ని ముఖానికి రాసుకుంటే మొటిమలు, వాటి తాలూకు మచ్చలను తొలగిస్తుంది. దీనిలో ఉండే యాంటీ సెప్టిక్ గుణాలు కొత్త మొటిమలు రాకుండా చేస్తాయి. ఈ టీ సహజ సిద్ధమైన బ్లీచ్ గా పనిచేస్తుంది. ఇది చర్మాన్ని మాయిశ్చరైజర్ చేస్తుంది. మీరు ఉపయోగించుకునే ఫేస్ ప్యాక్ లో ఈ టీ కలిపితే చర్మాన్ని కాంతివంతంగా మెరిసేలా చేస్తుంది. ఈ టీ లో యాంటీ ఆక్సిడెంట్స్ ఉన్నాయి. ఇవి చర్మాన్ని ఫ్రీ రాడికల్స్ వలన వచ్చే డ్యామేజ్ నుంచి రక్షిస్తుంది. ఇంకా వృద్ధాప్య ఛాయలను తొలగిస్తుంది. చామంతి టీ బ్యాగ్స్ ను ఉపయోగించిన తర్వాత వాటిని పరేయకుండా వాటిని ఫ్రీజర్ లో ఉంచి కంటి ఉంచితే కంటి కింద నల్లటి వలయాలను తగ్గిస్తుంది. అలసిన కళ్ల కు విశ్రాంతిని అందిస్తాయి. కంటి వాపును తగ్గిస్తుంది.
చామంతి టీ చుండ్రు, దాని కారణంగా వచ్చే దురద సమస్యలకు చెక్ పెడుతుంది. హెన్నా పౌడర్ లో చామంతి టీ కలిపి దాన్ని తలకు పట్టించాలి. రెండు గంటల తర్వాత తలస్నానం చేస్తే చుండ్రు సమస్య తగ్గుతుంది. ఇంకా జుట్టు నల్లగా నిగనిగలాడలంటే తలస్నానం చేసిన తర్వాత చామంతి టీ తో జుట్టు ను కడగాలి. ఇది జుట్టును షైన్, సిల్క్ గా చేస్తుంది.