Potato: చర్మ సౌందర్యాన్ని పెంపొందించడానికి బంగాళాదుంప రసం కీలక పాత్ర పోషిస్తుంది.. ప్రతి ఒక్కరి వంటగదిలో బంగాళదుంప ఖచ్చితంగా ఉంటుంది.. ఇంట్లో లభించే ఈ దుంప తోనే అందం పెంపొందించుకోవచ్చు.. ముఖంపై మొటిమలు, వాటి తాలూకు మచ్చలు, ముఖంపై ముడతలు పడకుండా ఉంచటం, చర్మం యవ్వనంగా కనిపించడానికి బంగాళదుంపలు ఏవిధంగా ఉపయోగించాలో ఇప్పుడు తెలుసుకుందాం..!
ముందుగా ఒక బంగాళదుంపలు తీసుకొని చెక్కు తీసి మిక్సీ పట్టి రసం తీసుకోవాలి. ఒక చెంచా బంగాళదుంప రసంలో కోడుగుడ్డు లోని తెల్లసొనను కలిపి ముఖానికి రాసుకుంటే చర్మ రంధ్రాలు మూసుకుపోయి యవ్వనంగా కనిపిస్తారు. ఒక చెంచా బంగాళాదుంప రసంలో రెండు చెంచాల పాలు కలపాలి. ఈ మిశ్రమాన్ని ముఖానికి రాసుకొని అరగంట తర్వాత చల్లటి నీటితో కడిగేసుకోవాలి. ఇలా చేస్తూ ఉంటే ముఖంపై మచ్చలు తొలగిపోయి చర్మం కాంతివంతంగా మారుతుంది. మేము పై నల్లని మచ్చలు తో బాధపడుతున్న వారు బంగాళదుంప రసాన్ని రాసి ఇరవై నిమిషాల తర్వాత చల్లటి నీటితో కడిగేసుకోవాలి. ఇలా చేయడం వల్ల ముఖం పై ఉన్న మచ్చలు తొలగిపోవడమే కాకుండా నల్లటి మచ్చలు కూడా మాయమైపోతాయి. ముఖంపై ముడతలు పడకుండా కూడా చేస్తుంది. వృద్ధాప్య ఛాయలను తొలగిస్తుంది.
ఒక గిన్నెలో లో ఒక చెంచా బంగాళదుంప రసం ఒక చెంచా నిమ్మరసం వేసి కలపాలి ఈ మిశ్రమాన్ని ముఖానికి రాసుకుని 20 నిమిషాల తర్వాత కడిగేయాలి. విటమిన్ సి సమృద్ధిగా లభిస్తుంది. ముఖం పై ఉన్న డెడ్ స్కిన్ సెల్స్ ను తొలగించి ప్రకాశవంతంగా మెరిసేలా చేస్తుంది. బంగాళదుంప రసం స్కిన్ టోనర్ గా పనిచేస్తుంది. ఈ రసాన్ని ఫ్రిజ్లో ఉంచుకొని రెండు మూడు రోజులపాటు ఉపయోగించుకోవచ్చు. కాకపోతే అంతకంటే ఎక్కువ రోజులు ఉపయోగించకపోవడమే మంచిది. వీలున్నప్పుడల్లా ఈ చిట్కాలను ప్రయత్నిస్తూ ఉంటే మచ్చలేని అందమైన మోము మీ సొంతం.