Ghee: నెయ్యి పేరు వింటే చాలు ఎవరికయినా సరే ముందు గుర్తొచ్చేది రుచికరమైన స్వీట్లు. ఎంచక్కా వేడి వేడి అన్నంలో పచ్చడి వేసుకుని నెయ్యి కలుపుకుని తింటే ఆ రుచి వేరు కదా. కారపొడి దగ్గర నుంచి ఘుమఘుమలాడే బిర్యానీ వరకు అన్ని చాలా రకాల వంటకాల్లో నెయ్యిని ఉపయోగిస్తూ ఉంటాము. కానీ చాలామంది నెయ్యి తింటే లావు అవుతారని తినడానికి భయపడతారు. నిజానికి అది అవాస్తవం అని వైద్య నిపుణులు చెబుతున్నారు. నెయ్యికి బరువు పెరగడానికి ఎలాంటి సంబంధం లేదు. ఏదైనా సరే పరిమిత పరిమాణంలో తింటే ఎటువంటి లోపాలు తలెత్తవు.
Ghee: చలికాలంలో నెయ్యి.. పొందండి వెయ్యి లాభాలు..!!
Ghee: ఉదయాన్నే ఖాళీ కడుపుతో నెయ్యి తింటే ఏమవుతుందంటే?
నెయ్యిని కూడా ఒక లిమిట్ లో తింటే చాలా రకాల ప్రయోజనాలు ఉన్నాయి తెలుసా. మరి ముఖ్యంగా ఒక చెంచా నెయ్యిని ఉదయాన్న పరగడుపున తింటే చాలా మంచిది. పొద్దున లేవగానే ఖాళీ కడుపుతో నెయ్యి తీసుకోవడం వల్ల జీర్ణసంబంధ సమస్యలు తగ్గుతాయి. నెయ్యి ప్రేగులలోని ఆమ్ల pH స్థాయిని తగ్గించి చిన్న పేగును శుద్ధిచేస్తుంది. అలాగే పొద్దునే నెయ్యి తినడం వలన చెడు ఆహారపు అలవాట్ల కారణంగా కలిగే సమస్యలు చాలా వరకు తగ్గుముఖం పడతాయి.
Ghee: పాలలో కలుపుకుని తాగితే మన శరీరంలో జరిగే అద్భుతం ఏంటో తెలుసా..!?
జీర్ణ సంబంధ వ్యాధులను దూరం చేసే నెయ్యి :
మలబద్ధకం ఉన్నవారు తప్పనిసరిగా ఉదయాన్నే ఖాళీ కడుపుతో నెయ్యి తింటే మలబద్ధకం తగ్గుతుంది. అప్పుడు పేగుల్లో కదలిక ఏర్పడి సుఖ విరేచనం అవుతుంది. ఇలా పొద్దున పూట నెయ్యి తింటే జీర్ణవ్యవస్థ శుభ్రపడుతుంది. ఫలితంగా ఎటువంటి ఉదర సమస్యలు కూడా మీ దరిచేరవు. ఒకవేళ మీకు జీర్ణక్రియకు సంబంధించిన సమస్యలు ఉంటే పొద్దున్నే ఒక చెంచా నెయ్యిని మాత్రమే తినాలి. అలాగే ఉదయాన్నే నెయ్యి తింటే శరీరంలోని ఎముకలకు దృఢత్వం, శక్తీ, బలం పెరుగుతాయి.
Ghee tea: “ఘీ” టీ ఎప్పుడైనా ట్రై చేసారా?
నెయ్యి వలన అందంతో పాటు ఆరోగ్యం కూడా మీ సొంతం:
నెయ్యి తింటే చర్మం కాంతివంతంగా మెరుస్తుంది. చూడడానికి కూడా చాలా అందంగా కనిపిస్తుంది. వృద్ధాప్య ఛాయలు కనిపించకుండా ముఖం మీద ముడతలు తగ్గి యవ్వనంగా కనిపిస్తారు. అందుకే ఉదయాన్నే నిద్ర లేవగానే ఒక చెంచా నెయ్యిని తినండి. అలాగే ఈ కాలంలో చాలామంది అధిక బరువు సమస్యతో ఇబ్బందులు పడుతున్నారు కావున ఉదయాన్నే చెంచా నెయ్యి తినడం ద్వారా చాలా సమయం పాటు కడుపు నిండినట్లుగా అనిపిస్తుంది ఫలితంగా మీరు అతిగా తినకుండా ఉంటారు. తద్వారా బరువు పెరగకుండా స్లిమ్ గా ఉంటారు. ఉదయాన్నే నెయ్యి తింటే మంచిది అని ఎక్కువ తినకూడదు.. అది ఆరోగ్యానికి అసలు మంచిది కాదు. ఏదైనా సరే లిమిట్ గా తింటేనే ఆరోగ్యానికి మంచిది.