Oil pulling : ఆయిల్ పుల్లింగ్ అనేది ఓ ఆయుర్వేద టెక్నిక్ గా చెప్పబడుతుంది. తెల్లవారుజామున ఖాళీ కడుపుతో నోటిలో నూనేను వేసుకుని 10 నుంచి 15 నిముషాల పాటు పుక్కిలించి అనంతరం ఉమ్మివేయాలి. దీని వల్ల ఎన్నో ప్రయోజనాలున్నాయి.ఇలా చేయడం వలన నోటిలో ఉండే హానికరమైన బ్యాక్టీరియ తొలగింప బడుతుంది. ఫలితగా ఎలాంటి నోటి ఇన్ఫెక్షన్లు రావు. నూనెను నోటిలో వేసుకుని మింగకుండా దాదాపు 10 నుంచి 15 నిముషాల పాటు పుక్కిలించిన తర్వాత ఉసేయాలి.
Oil pulling benefits :
- తర్వాత నీటి తో నోరును శుభ్రంగా కడుక్కోవాలి.
- ఆయిల్ పుల్లింగ్ ద్వారా బ్యాక్టీరియ నశిస్తాయి. ఫలితంగా దంతక్షయం తగ్గుతుందని పలు అధ్యాయనాలు సూచిస్తున్నాయి.
- నోటినుండి వచ్చే దుర్వాసన పోతుంది. నోరు పరిశుభ్రంగా లేకపోవడం, నాలుక పూత లాంటివాటి నుండి ఆయిల్ పుల్లింగ్ ద్వారా ఉపశమనం కలుగుతుంది.
- చిగుళ్లను ఆరోగ్యంగా ఉంచడం చాలా అవసరం. ఆయిల్ పుల్లింగ్ ద్వారా చిగుళ్ల సమస్యను పరిష్కరించవచ్చు. బ్యాక్టీరియాను చంపడమే కాదు చిగుళ్లను బలంగా ఉంచి తేమను ఉంచి రక్త ప్రసరణ వ్యవస్థను మెరుగయేలా చేస్తుంది.
- ఆయిల్ పుల్లింగ్ వల్ల లాలాజలం ఉత్పత్తి పెరుగుతుంది.. తద్వారా నోటిమొత్తం ఆరోగ్యం గా ఉంటుంది. లాలాజలం నోటిలోని బ్యాక్టీరియాను తగ్గించి వాటి ద్వారా వచ్చే కావిటీస్ ప్రమాదాన్ని రాకుండా చేస్తుంది. కొన్నిసార్లు లాలాజలం తగ్గుతుంటుంది. దీన్ని జిరోస్టోమియా అని అంటారు.
- ఆయిల్ పుల్లింగ్ తో ఈ సమస్యను పోగొట్టుకోవచ్చు. ఆయిల్ పుల్లింగ్ ద్వారా నోరు తడిఆరిపోకుండా ఉంటుంది.
నోటి ఆరోగ్యం బాగుంటే రోగ నిరోధక శక్తి పెరుగుతుంది. ఆయిల్ పుల్లింగ్ ద్వారా పరోక్షం గా మీ శరీర ఆరోగ్యం మెరుగైన స్థితిలో ఉంటుందని అర్ధం.అది కూడా చాలా సహజమైన రీతిలో ఖర్చు లేకుండా చేసుకోవచ్చు. ఆయిల్ పుల్లింగ్ కోసం కొబ్బరినూనె శ్రేష్టమైనది గా భావిస్తున్నారు. ఎందుకంటే ఇందులో లారిక్ యాసిడ్ ఉంటుంది. అంతేకాకుండా ఇది అందరికి అందుబాటులో ఉండి తక్కువ ఖర్చుతో ఎక్కువ ప్రయోజనాలను ఇస్తుంది. బాదం నూనె, నువ్వుల నూనె కూడా బాగా పనిచేస్తాయి.
