Tea:టీ.. పేరు చెబితే చాలు ఎవరికయినా సరే ఎక్కడ లేని ఉత్సహం వచ్చేస్తుంది. తెల్లారిన దగ్గర నుండి రాత్రి పడుకునే వరకు టీ తాగే వాళ్ళు ప్రపంచంలో కొట్ల సంఖ్యలో ఉన్నారు అని చెప్పడంలో ఏ మాత్రం అతిశయోక్తి లేదనే చెప్పాలి. కొందరికి అయితే అసలు టీ తాగనిదో రోజే మొదలు అవ్వదు.. అంతలా టీకు బానిసలూ అయిన వారు చాలా మందినే ఉన్నారు. ప్రపంచవ్యాప్తంగా ఎన్నో రకాల టీలు మనకు అందుబాటులో ఉన్నాయి. నిజానికి మన దేశం నుంచే చాలా దేశాలకు టీ ఎగుమతి అవ్వడం విశేషం అనే చెప్పాలి.సంపన్నుల దగ్గర నుండి పేదవాళ్ల వరకు టీ ను ఇష్టంగా తాగుతుంటారు. అంతలా ఆదరణ పొందిన టీ కు సంబంధించిన ఆసక్తికర విషయాలను ఇప్పుడు తెలుసుకుందాం.
టీ గురించి మొదట తెలుసుకున్నది ఎవరు..?
అసలు ఈ టీని మొదటిసారిగా చైనా చక్రవర్తి షెన్ నంగ్ క్రీస్తు పూర్వం 2737లో కనిపెట్టడం జరిగింది.చక్రవర్తి అయిన షెన్ నంగ్ తాగే వేడి వేడి నీటి గిన్నెలో అనుకోకుండా ఒక తేయాకు పడింది.అలా ఆ తేయాకు మరిగిన నీటిని ఆయన తాగడంతో ఆ టేస్ట్ ఆయనకు నచ్చి అలా అలా టీ గురించి ప్రపంచానికి తెలిసింది.అయితే కొన్ని శతాబ్దాల పాటు టీని ఒక ఔషధంగా వాడేవారు.ప్రస్తుత కాలం మాదిరి టీని రెగ్యులర్‌గా తాగేందుకు 3వేల సంవత్సరాల కాలం పట్టింది అనే చెప్పవచ్చు.
బాగా ఫేమస్ అయిన టీలో రకాలు ఏవంటే..?
ప్రపంచంలో ప్రధానంగా నాలుగు రకాల టీలు బాగా ఫేమస్ అయ్యాయి అనే చెప్పాలి. అందులో బ్లాక్, గ్రీన్, వైట్, ఊలాంగ్ టీలు ప్రత్యేకం అనే చెప్పాలి.ఈ టీలన్నీ తయారయ్యే మొక్క పేరు ఏంటంటే కామెల్లియా సినెన్సిస్.ఈ మొక్క యొక్క ఆకుల్ని ఏ కాలంలో కోస్తారు, ఎలా కోసి ఎండబెడతారు. ఆ తర్వాత ఏ ఏ పద్ధతులతో ప్రాసెస్ చేశారన్న దాన్ని బట్టీ ఈ నాలుగు రకాల టీలు పుట్టుకొచ్చాయన్నమాట.ఏప్రిల్ – మే నెలల్లో పెరిగిన తేయాకులతో తయారుచేసిన గ్రీన్ టీ ప్రపంచంలోచాలా మంది తాగుతారు.అలాగే ఇండియాలో టీని పాలు, అల్లం, లంవంగాలు, యాలకులు ఇలా రకరకాల సుగంధ ద్రవ్యాలతో తయారుచేస్తారు.
టీ గురించిన ఆసక్తికర విషయాలు :
అలాగే 1908లో టీ బ్యాగుల వాడకం మొట్ట మొదటసారిగా అమెరికాలో మొదలైంది.నిజానికి ఈ టీ బ్యాగ్స్ కేవలం ఆరు నెలల వరకే ఫ్లేవర్ ను కలిగి ఉంటాయి. ఆ తర్వాత టీ రుచి క్రమంగా తగ్గిపోతుంది.ఇకపోతే 1904 వర్జీనియాలో ఐస్ టీని కనిపెట్టారు. అలాగే కొరియా, చైనాలో క్రిసాంతెమమ్ అనే హెర్బల్ టీ బాగా వాడుకలో ఉంది.ఇక తైవాన్‌లో 1980 నుంచీ బబుల్ టీ అంటే చిక్కటి టీని బాగా గిలక్కొట్టి ఇస్తారు.కావున దీనిని బబుల్ టీ అంటారు.ఈ టీ నిండా అన్నీ బుడగలే ఉంటాయి. ఇక జపాన్ లో జెన్‌మైచా అనేది ఒక ప్రత్యేకమైన టీ గా చెప్పవచ్చు.
