ఈ కాలంలో చాలా మంది అధిక బరువు సమస్యతో ఇబ్బందులు పడుతున్నారు. బరువు తగ్గించుకోవడానికి చాలా రకాల ప్రయత్నాలు చేస్తున్నారు. వ్యాయామం చేయడం, డైటింగ్ చేయడం వంటి చాలా రకాల ప్రయత్నాలు చేస్తున్నారు. అయితే బరువు తగ్గించుకోవడం అనేది సహజ పద్దతిలో మాత్రమే జరగాలి. ఏమి తినకుండా బరువు తగ్గడం అనేది ఆరోగ్యానికి అంత మంచిది కాదు. ఆహారం విషయంలో కొన్ని మార్పులు చేసుకుంటూనే శరీరానికి తగిన వ్యాయామం చేస్తూ బరువును తగ్గించుకోవాలి. అంతేగాని ఒక్కసారిగా బరువు తగ్గాలని మార్కెట్లో దొరికే ప్రొడక్ట్స్ ను వాడడం అంత మంచిది కాదు.
బరువు తగ్గే చిట్కా :
మన ఇంట్లో దొరికే వాటితోనే చిన్న చిన్న చిట్కాలు పాటిస్తూ బరువును సులభంగా తగ్గించుకోవచ్చు. అది ఎలా అనుకుంటున్నారా..బరువు తగ్గడానికి తమలపాకు,మిరియాలు చాలా బాగా ఉపయోగపడతాయి. మీకు తెలుసో లేదో పూర్వకాలంలో మన పెద్దవాళ్ళు భోజనం చేసిన తర్వాత తమలపాకులు తినేవారు. ఎందుకంటే ఇలా ఆహారం తిన్నా తరువాత తమలపాకులు తింటే ఆహారం బాగా జీర్ణం అవుతుందని పూర్వకాలంలో అలా భోజనం చేసిన వెంటనే తమలపాకును తినేవారు.
తమలపాకు, మిరియాలు కలిపి తింటే?
అయితే ఇలా తమలపాకులలో,మిరియాలు కలిపి తింటే శరీరంలో పేరుకుపోయిన అదనపు కొవ్వు కరిగి బరువు తగ్గుతారట.తమలపాకులు మన శరీరంలోని జీర్ణ శక్తిని పెంచడంలో చాలా ఎఫెక్టివ్గా పనిచేస్తాయి.అలాగే తమలపాకులో పీచు పదార్థం కూడా ఎక్కువగా ఉంటుంది. అలాగే మిరియాలలో ఉండే పెప్పరిన్ శరీరంలోని కొవ్వు పదార్థాలను తగ్గించడంలో ఉపయోగపడతాయి. తాజా తమలపాకులో మూడు మిరియాలను పెట్టి తమలపాకును మడిచి నోటిలో పెట్టుకుని నమలి, తర్వాత కొద్దిగా నీళ్లు తాగాలి. ఇలా మధ్యాహ్నం భోజనం అయ్యాక ఇలా చేస్తే మీ శరీరంలోని జీర్ణశక్తి పెరిగి రెండు నెలలలో బరువు తగ్గుతారు..