Biotin: వాతావరణ కాలుష్యం, మనం తీసుకునే ఆహారంలో పోషకాలలో లోపం, హెయిర్ ప్రొడక్ట్స్ లోని రసాయనాలు, ఇలా ఇతర కారణాలతో జుట్టు రాలిపోతుంది.. దీంతో చాలామంది బయోటిన్ ను తీసుకుంటున్నారు.. ఇంతకీ బయోటిన్ జుట్టుకి అవసరమా.!? బయోటిన్ ఉండే ఆహార పదార్థాలను తీసుకుంటే.. జుట్టు ఒత్తుగా పెరుగుతుందా.!? వంటి విశేషాలు తెలుసుకుందాం.!?
విటమిన్ బి కాంప్లెక్స్ లో ఒకటైన విటమిన్ బి7 ను బయోటిన్ గా పిలుస్తారు.. దీన్ని వైద్యులు జుట్టు రాలకుండా ఉండడానికి వాడమని సూచిస్తున్నారు. అయితే బయోటిన్ ను మన రోజు వారి ఆహారంలో తీసుకుంటే జుట్టుకు కావలసిన బయోటిన్ సమృద్ధిగా లభిస్తుంది. బయోటిన్ సమృద్దిగా లభించే ఆహార పదార్థాలు ఏంటో ఇప్పుడు మనం తెలుసుకుందాం..
లివర్: లివర్ లో బయోటిన్ సమృద్దిగా ఉంటుంది. దీనిని వారంలో రెండు సార్లు తీసుకుంటే జుట్టు ఒత్తుగా పెరుగుతుంది..
గుడ్డు: గుడ్డు పచ్చసొనలో బయోటిన్ ఎక్కువ మోతాదులో ఉంటుంది. అందువలన రోజుకో గుడ్డును ఆహారంలో తీసుకుంటే ఆరోగ్యం మెరుగుపడటంతో పాటు జుట్టుకు కావలసిన బయోటిన్ సమృద్ధిగా లభిస్తుంది. దాంతో జుట్టు రాలకుండా ఒత్తుగా, బలంగా పెరుగుతుంది.
అవకాడో: బయోటిన్ సమృద్ధిగా లభించే పదార్థాలలో ఆవకాడో కూడా ఒకటి. అవకాడను మీ డైట్ లో భాగంగా ఆరోగ్యానికి కావలసిన బయోటిన్ లభిస్తుంది. బయోటిన్ ఎక్కువగా తీసుకోవడం వల్ల జుట్టు సమస్యలు రాకుండా ఉంటాయి.
తృణధాన్యాలు: తృణధాన్యాలను తీసుకుంటే బరువు తగ్గడంతో పాటు శరీరానికి కావాల్సిన విటమిన్ బి7 సమృద్ధిగా లభిస్తుంది. ఇంకా అమైనో ఆమ్లాలు కూడా లభిస్తాయి. జుట్టు ఆరోగ్యం మెరుగుపడి జుట్టు రాలకుండా ఉంటుంది.
సాల్మన్ ఫిష్: సాల్మన్ ఫిష్ మన ఆరోగ్యానికి మంచిదని అందరికీ తెలిసిందే. ఈ సాల్మన్ ఫిష్ తీసుకోవడం వలన ఇందులో ఉండే బయోటిన్ జుట్టు రాలకుండా ఒత్తుగా పెరగడానికి సహాయపడుతుంది.
చిలగడదుంప: చిలగడదుంప జుట్టు రాలకుండా ఉండడానికి సహాయపడుతుంది. అరకప్పు ఉడికించిన చిలగడ దుంపలో 2.4 మైక్రో గ్రాముల బయోటిన్ ఉంటుంది. ఇది జుట్టు కుదుళ్లను బలంగా ఉంచుతుంది.
బాదం: బాదం లను తీసుకుంటే జుట్టు పెరుగుదలకు కావలసిన బయోటిన్ పుష్కలంగా లభిస్తుంది. వాల్ నట్స్, పల్లీలు, బాదంలను కలిపి రోజుకు తీసుకుంటే చాలు. ఇవి జుట్టు సమస్యలను దూరం చేసి జుట్టు రాలకుండా చేస్తాయి.
పుట్టగొడుగులు: పుట్టగొడుగులలో పోషకాలు ఎక్కువగా ఉంటాయి. ఇవి జుట్టుకు కావలసిన ప్రోటీన్ లను అందించి జుట్టు ఆరోగ్యాన్ని మెరుగుపరుస్తాయి. ఫలితంగా జుట్టు కుదుళ్లు బలపడి జుట్టు రాలకుండా ఉంటుంది.
అరటిపండు: అరటిపండులో బయోటిన్ శాతం ఎక్కువగా ఉంటుంది. ఇంకా పీచు, సూక్ష్మ పోషకాలు, విటమిన్లు పొటాషియం సమృద్ధిగా ఉంటాయి. ఇవి జుట్టు ఆరోగ్యాన్ని మెరుగుపరుస్తాయి.
ఆకుకూరలు: ఆకుకూరలను తీసుకుంటే కురులు బాగా పెరుగుతాయి. ముఖ్యంగా పాలకూరను ఎక్కువగా తీసుకుంటే శరీరానికి జుట్టు పెరగడానికి సహాయపడి జుట్టు రాలిపోకుండా చేస్తుంది.
పాలు: పాలలో ప్రోటీన్లు ఎక్కువగా వుంటాయి. ఇందులో ఉండే పోషకాలు శరీరానికి కావలసిన శక్తిని అందించి జుట్టు ఆరోగ్యాన్ని మెరుగుపరుస్తాయి. జుట్టుకు సంబంధించిన అన్ని సమస్యలు తగ్గి జుట్టు రాలకుండా ఉంటుంది. రోజూ ఒక గ్లాసు పాలు తాగితే మంచిది.
క్యాలీఫ్లవర్, ఈస్ట్, హోల్ గ్రైన్ బ్రెడ్, రాసో బెర్రీస్ కూడా బయోటిన్ సమృద్దిగా లభిస్తుంది వీటిని మీ డైట్ లో భాగం చేసుకుంటే జుట్టు రాలడాన్ని, తగ్గించి జుట్టు కుదుళ్లకు పోషణను అందించి జుట్టు బలంగా, ఒత్తుగా పెరగడానికి సహాయపడుతుంది.
