Muscle Cramps: మనలో చాలా మందికి పిక్కలు తొడ కండరాలు చాతిమీద కండరాలు హఠాత్తుగా పట్టేస్తుంటాయి.. ఆ సమయంలో విపరీతమైన నొప్పి వస్తుంది. వీటినే మజిల్ క్రాంప్స్ అని అంటారు.. కొంతమందికి నిద్రలో కూడా ఈ సమస్య వస్తుంది.. పిక్కల నొప్పులు ఎందుకు వస్తాయి..!? ఏం తీసుకుంటే నయం చేయవచ్చు ఇప్పుడు చూద్దాం..!
శరీరానికి అవసరమైన పోషకాలు అందక పోతే ఈ సమస్య వస్తుంది. శరీరం బాగా అలసిపోయినప్పుడు, ఒత్తిడి, కంటినిండా నిద్ర లేకపోవడం, శారీరక శ్రమ ఎక్కువగా జరిగినప్పుడు మజిల్ క్రాంప్స్ వస్తాయి. రక్తంలో ఎలక్ట్రో లైట్స్ తగ్గినా కూడా ఈ సమస్య వస్తుంది. ఘనంగా ఏదైనా పనిలో నిమగ్నం అయినప్పుడు లేదంటే నిద్రలో ఎక్కువగా తొడ కండరాలు, పిక్కలు పట్టేస్తుంటాయి.
మజిల్ క్రాంప్స్ వచ్చినప్పుడు వెంటనే ఒక గ్లాసు మజ్జిగలో చిటికెడు ఉప్పు వేసుకొని తాగితే వెంటనే ఉపశమనం లభిస్తుంది. తొడ కండరాలు పట్టేసినప్పుడు పంచదార లేకుండా తాజా పండ్ల రసాలు తీసుకున్న మంచిదే. నీరు అధికంగా ఉండే పదార్థాలు ఎక్కువగా తీసుకోవాలి. నీటి శాతం ఎక్కువగా ఉండే పండ్లను తినాలి. శరీరానికి అవసరమైన సమతుల పోషకాహారం మీ డైట్ లో భాగం చేసుకోవాలి. కంటినిండా నిద్ర పోవాలి. వీటన్నింటిని పాటిస్తే మజిల్ క్రాంప్స్ కు చెక్ పెట్టవచ్చు.