Head Bath: మనం తీసుకునే కేశ సంరక్షణ పై మన జుట్టు ఊడకుండా ఉంటుంది.. మనం చేసే చిన్న చిన్న పొరపాట్ల వలన కేశాలు నిర్జీవంగా మారి చిట్లిపోతాయి.. అంతే కాదు తలస్నానం చేసేటప్పుడు ఈ జాగ్రత్తలు తీసుకోవాలి అంటున్నారు నిపుణులు.. ముఖ్యంగా తలస్నానం చల్లటి నీటితో చేస్తే మంచిదా..!? లేదా వేడినీళ్లు బెస్టా అని ఇప్పుడు తెలుసుకుందాం..!!
తలస్నానం చేయడానికి చల్లని నీళ్లు, వేడి నీరు రెండు మంచివి కావు.. వేడి వేడి నీటి తో తలస్నానం చేస్తే చలి, వణుకు, జలుబు రాదు అనుకుంటారు.. ఆరోగ్యం గురించి ఆలోచిస్తున్నాం కానీ జుట్టు గురించి మర్చిపోతున్నాం.. వేడి నీటి తో తలస్నానం చేయడం వలన జుట్టు తీవ్రంగా బలహీన పడుతుంది. జుట్టు ఎక్కువగా ఊడిపోతుంది. జుట్టుని వేడి నీటితో కడగటం వలన కుదుళ్ళ లోపల ఉండే సహజమైన నూనె పోతుంది. ఇంకా జుట్టు చివర్లు చిట్లిపోయి, జుట్టు పెరగకుండా అడుకుంటాయి..
అలా అని చల్లటి నీటితో తల శుభ్రం చేసుకోవడం మంచిది అనుకుంటే పొరపాటే.. వేడి నీటితో తలస్నానం చేయడం వలన ఎలాంటి సమస్యలు వస్తాయో.. అదేవిధంగా చల్లటి నీటితో కూడా అవే సమస్యలు వస్తాయి. చలికాలం లో అనే కాదు అన్ని సీజన్స్ లో కూడా గోరు వెచ్చని నీటితో తలస్నానం చెయ్యడం మంచిది. గోరు వెచ్చని నీటితో చేయడం వలన జుట్టు కు పెద్దగా నష్టం కలిగించదు. హెడ్ బాత్ చేసేటప్పుడు ఎక్కువ షాంపూ తో రుద్దకుండా ఉండాలి. హెయిర్ డ్రై ఉపయోగించకుండా సాదారణ పద్దతులతో జుట్టు ను ఆరబెట్టాలి. తడి తల పై జుట్టు చిక్కులు తీయకూడదు. ఒకవేళ తీసిన కింద నుంచి తీయండి. అప్పుడు జుట్టు పై ఒత్తిడి పడదు. వారంలో రెండు సార్లు తలస్నానం చేయండి.