Chat: ఈ సీజన్లో మొక్కజొన్న విరివిగా లభిస్తుంది. కార్న్ ను ఎక్కువగా బ్రేక్ ఫాస్ట్, స్నాక్స్ లాగా తీసుకుంటూ ఉంటారు. ఇవి ఆరోగ్యానికి ఎంతో మేలు చేస్తాయి. పైగా త్వరగా శక్తిని అందిస్తాయి. వేడివేడి కార్న్ చాట్ ఎలా తయారు చేసుకోవాలో ఇప్పుడు చూద్దాం..
కార్న్ చాట్ కి కావలసిన పదార్థాలు..
డ్రై మొక్కజొన్న 100 గ్రాములు, నూనె 3 చెంచాలు, ధనియాల పొడి ఒక చెంచా, ఎండుమిర్చి రెండు, ఆవాలు కొద్దిగా , ఉల్లిపాయ ఒకటి, పచ్చిమిర్చి రెండు, వెల్లుల్లి పేస్ట్ ఒక చెంచా, కరివేపాకు రెండు రెబ్బలు, పసుపు చిటికెడు, కారం ఒక చెంచా, కొత్తిమీర కొద్దిగా, నిమ్మరసం ఒక చెంచా.
డ్రై మొక్కజొన్నను రెండుసార్లు కడిగి ఒక గిన్నెలో వేసి ఆరు గంటలు నానబెట్టాలి. రాత్రి నానబెట్టి ఉదయం బ్రేక్ ఫాస్ట్ లాగా చేసుకోవచ్చు. ఆరు గంటల తర్వాత మొక్కజొన్నను మరోసారి కడిగి నీరు తీసివేసి కుక్కర్లో వేసి మూడు విజిల్లు వచ్చేంతవరకు ఉడికించుకోవాలి. లేదంటే మామూలుగా కూడా మొక్కజొన్నను ఉడక పెట్టుకోవాలి. ఇందులో చిటికెడు ఉప్పు వేసి ఉడికించుకుంటే ఇంకా బాగుంటుంది. మొక్కజొన్న లోని నీళ్లన్నీ ఒంపేసుకుని ఒక ప్లేట్ లో పక్కన పెట్టుకోవాలి.
స్టవ్ వెలిగించి బాండీలో నూనె వేసి వేడెక్కాక జీలకర్ర, ఆవాలు, ఎండుమిర్చి, కొత్తిమీర వేసి వేయించాలి. ఇందులో ధనియాలపొడి ఉల్లిపాయ ముక్కలు, పచ్చిమిర్చి, వెల్లుల్లి పేస్ట్ వేసి రెండు నిమిషాలు వేయించాలి. ఆ తర్వాత పసుపు, ఉప్పు, కారం అన్ని వేసి మరోసారి కలపాలి. ఇప్పుడు ఉడికించిన పాప్ కార్న్ వేసి మరో రెండు నిమిషాలు వేయించాలి. చివరిగా కొత్తిమీర వేసి స్టవ్ ఆఫ్ చేయాలి. ఆ తరువాత నిమ్మరసం కలిపి వేడి వేడి కార్న్ చాట్ ను సర్వ్ చేస్తే ఇష్టంగా తింటారు.
