Dal Mudi: దాల్ ముడి మిక్చర్ స్వీట్ షాప్ లో కొని ఇష్టంగా తింటాం.. అయితే ఈ స్నాక్ ఇంట్లో ఎంచక్కా చేసుకోవచ్చు.. తయారు చేసుకోవడం కూడా చాలా సింపుల్.. పైగా ఈ స్నాక్ పిల్లలకు పెద్దలకు మంచిది.. దాల్ ముడి మిక్చర్ ఎలా తయారు చేసుకోవాలో ఇప్పుడు చూద్దాం..!
దాల్ ముడి మిక్చర్ తయారీ విధానం..
కావలసిన పదార్థాలు..
ఒక కప్పు మైసూర్ దాల్, నూనె వేయించడానికి సరిపడా, ఉప్పు ఒక చెంచా, నల్ల ఉప్పు అర చెంచా, కారం పావు చెంచా, జీలకర్ర పొడి అర చెంచా, శనగపిండి అరకప్పు, పల్లీలు పావు కప్పు, కరివేపాకు కొద్దిగా.
మైసూర్ కందిపప్పును 12 గంటల పాటు నానబెట్టుకోవాలి ఆ తరువాత వాటిని జల్లెడ బుట్టలో వేసి నీరు పోయి పొడిపొడిగా ఉండేట్టు చూసుకోవాలి.. కరపూసా కోసం ఒక బౌల్ తీసుకుని అందులో శెనగపిండి, ఉప్పు , సోడా ఉప్పు వేసి కలుపుకోవాలి.. ఇప్పుడు పొయ్యి మీద బాండీ పెట్టి డీ ఫ్రై కి సరిపడినంత నూనె పోసి కాగాక.. అందులో ముందుగా నాన్న పెట్టుకున్న మైసూర్ దాల్ వేసి ఎర్రగా వేయించుకోవాలి.. అవి బాగా వేగిన తర్వాత తీసి ఒక ప్లేట్ లోకి పెట్టుకోవాలి.. ఇప్పుడు అదే నూనెలో ముందుగా సిద్ధం చేసి పెట్టుకున్న సన్నగా పిండితో సన్న కారప్పూస వేసుకోవాలి సన్న కారప్పూస రెడీ అయ్యాక.. అదే నూనెలో పల్లీలు, కరివేపాకు వేసి వేయించుకోవాలి..
ఇప్పుడు ఒక పెద్ద బౌల్ తీసుకొని అందులో ముందుగా వేయించిన పెట్టుకున్న మైసూర్ దాల్, సన్నకారపూస, పల్లీలు, కరివేపాకు వేసి బాగా కలుపుకోవాలి.. ఇందులో ఉప్పు, నల్ల ఉప్పు, కారం, జీలకర్ర పొడి వేసి బాగా కలుపుకోవాలి. మీరు ఇష్టపడితే ఒక చెంచా నిమ్మరసం కూడా కలుపుకుంటే మరింత టేస్టీగా ఉంటుంది.. అంతే దాల్ మూడి మిక్చర్ తినడానికి రెడీ.