Dry Hair: ఎక్కువ మందిలో జుట్టు సమస్యలు కనిపిస్తున్నాయి.. వయసుతో సంబంధం లేకుండా జుట్టు రాలిపోవడం, చుండ్రు, జుట్టు పొడిగా మారిపోవడం, జుట్టు చివర్లు చిట్లిపోవడం, రఫ్ గా మారిపోవడం వంటి సమస్యలు ఎక్కువగా ఉన్నాయి.. జుట్టు రఫ్ గా ఉందని రకరకాల ప్రయత్నాలు చేసి అలసిపోయారా.. మార్కెట్లో లభించే ప్రొడక్ట్స్ ఉపయోగించిన ప్రయోజనం లేదా.. అయితే మీకోసమే ఈ చిట్కా..!!
Read More: Hair Growth: ఒత్తైన కేశాల కోసం ఈ సింపుల్ చిట్కా చాలు..!!
జుట్టు రఫ్ గా మారిపోవడానికి ప్రధాన కారణం కేశాలకు తేమ అందించలేకపోవడం.. వారంలో కనీసం రెండు సార్లు తలకి కొబ్బరి నూనె రాసుకోవాలి. జుట్టుకు సహజంగా తేమను అందించి సుతిమెత్తగా తయారవడానికి కొబ్బరినూనె సహాయపడుతుంది. కొబ్బరినూనె కు బదులుగా ఆలివ్ ఆయిల్, బాదం నూనె, ఆముదం, నువ్వుల నూనె ఇలా మీకు నచ్చిన నూనెలను ఉపయోగించుకోవచ్చు. తలస్నానం చేసే రెండు గంటలకు ముందు గోరువెచ్చటి నూనెతో మర్దన చేసుకుని తలస్నానం చేస్తే జుట్టు కుదుళ్లకు పోషణ అందిస్తుంది.
జుట్టు బాగా రఫ్ గా ఉన్నప్పుడు మగ్గిన అరటిపండు తీసుకొని అందులో రెండు చెంచాలు ఆలివ్ ఆయిల్ వేసి కలపాలి. అరటి పండు మీ జుట్టుకు సరిపడినంత తీసుకోవాలి. అరటిపండు గుజ్జులో ఆలివ్ ఆయిల్ కలిపిన మిశ్రమాన్ని తలకు, జుట్టు చివర్ల వరకు పట్టించాలి. పదినిమిషాల తర్వాత గోరు వెచ్చటి నీటితో తలస్నానం చేయాలి. ఇలా చేయడం వల్ల జుట్టు మెత్తగా మారటమే కాకుండా స్ట్రైట్ గా కూడా తయారవుతుంది. కేశాలు పట్టుకుచ్చులా మెరుస్తాయి.
