hair loss: ఆందోళన,ఒత్తిడితో కూడిన జీవన విధానం జుట్టు రాలడానికి ముఖ్య కారణం గా చెప్పుకోవచ్చు. బట్టతల సమస్య మగవారికి మాత్రమే కాదు. ఆడవారికి కూడా వస్తుంది.ఈ కాలం లో స్త్రీలు తమ జుట్టును ఎక్కువగా కోల్పోతున్నారు.
ముందుగా జుట్టు రాలడానికి కారణాలు తెలుసుకుందాం.
ఆఫీసు పనులు, ఇంటి పనులు చేయడం తో ఒత్తిడి కి గురవుతూ ఉంటారు. ఒత్తిడితో సరైన నిద్ర కూడా ఉండదు. నిద్ర లేకపోవడం వలన జుట్టు కూడా బాగా ఊడిపోతుంటుంది. కాబట్టి సాధ్యమైనంత వరకు ఒత్తిడి లేకుండా చూసుకోవాలి. అందుకోసం యోగాని మించింది లేదని ఆరోగ్య నిపుణులు సూచిస్తున్నారు.
స్త్రీలు ఎక్కువగా రంగు వేసుకోవడం కూడా జుట్టు ఉడడానికి కారణం గా చెప్పవచ్చు. వేడిగా ఉండే డ్రయర్లు ,రసాయనాల రంగులు జుట్టు రఫ్ గా డెలికేట్ గా చేసేస్తాయి. ఈ మధ్య అసలు ఎవరు తలకు నూనె పెట్టుకోవడం లేదు. కానీ కనీసం వారానికి మూడు రాత్రులు అయినా తలను తేమగా ఉండేలా చూసుకోవాలి. అలా ఉంచుకోవడం కోసం కొబ్బరి లేదా బాదం నూనె వాడాలి. తలకు నూనె పట్టించి తర్వాతి రోజు ఉదయం తలస్నానం చేయాలి. ఇలా చేయకపోవడం వలన కూడా జుట్టు ఊడిపోతుంది. స్త్రీలు నోటి ద్వారా తీసుకునే గర్భనిరోధక మాత్రలు కూడా జుట్టు రాలడానికి కారణం గా చెప్పుకోవచ్చు.
ధూమపానం ఒక్కటి సర్వ రోగాలకు కారణం. ప్రాణాంతకం కూడా. ఇక జుట్టు ఎలా ఊడకుండా ఉంటుంది. ఈ అలవాటు ఉంటే వెంటనే మానుకోవడానికి ప్రయత్నం చేయండి. బట్ట తల రాకుండా కాపాడుకోండి.. ధూమపానం ఒక్కటే కాదు మద్యపానం కూడా ఆరోగ్యానికి హానికరం. ఇది ఆరోగ్యానికే కాదు, జుట్టు పెరుగుదలకు హాని కలిగిస్తుంది.అని మరువకండి.
