Biryani: దాహం వేయడం ఆలస్యం ఎక్కడ ఉన్న ఎలా ఉన్న వెంటనే కూల్ డ్రింక్ తీసుకుని తాగేస్తున్నారు. ప్రతి ఒక్కరూ కూల్ డ్రింక్ చాలా ఎక్కువగా వాడుతున్నారు. ఇంటికి ఎవరైనా చుట్టాలు వచ్చిన, ఏదైనా ఫంక్షన్ కి వెళ్ళిన గ్లాస్ లో కూల్ డ్రింక్ తెచ్చి చేతిలో పెట్టేస్తున్నారు. రోజువారీ ఆహారంలో కూల్ డ్రింక్ కూడా ఒక భాగం అయిపోయింది అంటే ఆశ్చర్య పాడిఆవలిసింది ఏమి లేదు..ఇంకా చెప్పాలి అంటే చాలా మంది భోజనం చేసేటప్పుడు కూడా మంచినీళ్లు బదులు డ్రింక్స్ నే తీసుకుంటున్నారు .
ఇక బిర్యానీ తినేటప్పుడు అయితే కూల్ డ్రింక్ సంగతి చెప్పక్కరలేదు. ఇలా తాగడం వల్ల కడుపు తేలిక గా అనిపిస్తుంది అని అంటుంటారు చాలా మంది.అయితే భోజనం చేసేటప్పుడు లేదా బిర్యాని తినేటప్పుడు కూల్ డ్రింక్ తాగడం అనేది మంచి పని కాదు అని నిపుణులు హెచ్చరిస్తున్నారు. నిజానికి కూల్ డ్రింక్ తో ఆహారం అరగదు సరికదా జీవక్రియ మరింత ఆలస్యం అవుతుంది అని తెలియ చేస్తున్నారు. కూల్ డ్రింక్ లో ఉండే కార్బోనేట్ సహా ఇతర రసాయనాలు కడుపులోకి వెళ్ళగానే పొట్టలో తేలికగా ఉన్న భావన కలుగుతుంది.కానీ నిజానికి అలా జరగదు.
అదంతా అపోహ మాత్రమే అని అంటున్నారు ఆహార నిపుణులు. కూల్ డ్రింక్ తో పాటు ఆహారం తినడం వల్ల బరువు కూడా పెరుగుతారు అని తెలియ చేస్తున్నారు. కాబట్టి ఈ అలవాటు ఉన్నవారు తినేటప్పుడు కొంచెం ఆలోచిస్తే ఆరోగ్యానికి మంచిది.చాలామంది తాము డ్రింక్స్ తాగుతున్నప్పుడు పిల్లలు వచ్చి అడిగితే వారికి కూడా పోసి ఇస్తూ ఉంటారు. డ్రింక్స్ లో క్యాలరీలు, చక్కెర కూడా ఎక్కువగా ఉంటాయి. ఈ చక్కెర వల్ల మన నోటిలో బ్యాక్టీరియా యాక్టివేట్ అవడం తో పళ్ళు పాడవుతాయి. అప్పుడప్పుడే పళ్ళు వచ్చే స్టేజ్ లోని పిల్లలు దీన్ని తాగడం వల్ల పాలపళ్లు పాడయ్యే ప్రమాదం ఉంది.మీకు కూల్ డ్రింక్ అలవాటు లేకపోతే పిల్లలు అడగరు కదా !!