Cancer: మన ఆహారంపైనే మన ఆరోగ్యం ఆధారపడి ఉంటుందని అందరికీ తెలిసిన విషయమే.. ఈ రోజుల్లో క్యాన్సర్ బారిన పడే వారి సంఖ్య పెరుగుతోంది.. ప్రాణాంతకమైన క్యాన్సర్ వ్యాధి బారిన పడకుండా ఉండాలంటే కూరగాయలు ఎక్కువగా తీసుకోవాలని ఆరోగ్య నిపుణులు చెబుతున్నారు..! ఏ ఆహారాలు తీసుకుంటే క్యాన్సర్ బారిన పడే ముప్పు తగ్గుతుందో ఇప్పుడు చూద్దాం..!
కూరగాయలు ఎక్కువగా తింటూ ఉండాలి కూరగాయలు తింటే క్యాన్సర్ వచ్చే అవకాశం 14 శాతం తక్కువ అని లండన్కు చెందిన బీఎంసీ జర్నల్లో పబ్లిష్ అయిన అధ్యయనం ద్వారా తెలుస్తోంది. క్యాన్సర్ రిస్క్ ఆహారాల గురించి యూకే బ్యాంక్ లోని నాలుగు లక్షల 50 వేల మందిని పరిశీలించారు. అందుకు వారు తినే ఆహారాన్ని విభజించి వారిపై పరిశోధనలు చేశారు . ఒక వారంలో ఐదు సార్లు రెడ్ మీట్, పౌల్ట్రీ మీట్, ప్రాసెస్ మిట్ తినేవారిని.. వారంలో 5 సార్లు కంటే తక్కువ మాంసం తినే వారిని.. చేపలు మాత్రమే తినేవాళ్ళని.. పూర్తిగా కూరగాయలు తినే వారిని.. ఇలా నాలుగు గ్రూపులుగా విభజించారు.
వీరి ద్వారా రీసెర్చర్లు కనుగొన్న విషయం ఏమిటంటే.. మాంసం తినే వారి కంటే మాంసం తక్కువ తినేవారికి అన్ని రకాల క్యాన్సర్లు వచ్చే రిస్క్ రెండు శాతం తక్కువ చేపలు తినేవారిలో క్యాన్సర్ బారిన పడే అవకాశం 10 శాతం తక్కువ కూరగాయలు తినే వారిలో అయితే క్యాన్సర్ రిస్క్ బారినపడే అవకాశం 14 శాతం తక్కువ కావడం విశేషం. అదే వెజిటేరియన్ డైట్ మహిళల్లో మెనోపాస్ తర్వాత క్యాన్సర్ వచ్చే అవకాశం 18 శాతం తక్కువ. చేపలు తినే పురుషుల్లో ప్రొటెస్ట్ క్యాన్సర్ రిస్క్ 20 శాతం, కూరగాయలు తినే మగ వారిలో 31 శాతం తక్కువని తాజా అధ్యయనంలో తేలింది. వరల్డ్ క్యాన్సర్ రీసెర్చ్ ఫండ్, క్యాన్సర్ రీసెర్చ్ యుకె, ఆక్స్ఫర్డ్ పాపులేషన్ హెల్త్ కూడా కూరగాయలు తినేవాళ్ళకు క్యాన్సర్ వచ్చే అవకాశం చాలా తక్కువ అని చెబుతుంది.
