Juice: పరగడుపున మనం తీసుకునే దాన్ని బట్టే ఆరోజు మొత్తాన్ని డిసైడ్ చేస్తుంది.. ఎందుకంటే రాత్రి భోజనం తర్వాత.. సుమారు 8 నుంచి 10 గంటల గ్యాప్ తర్వాత మనం తీసుకునే పదార్థాల పై మన ఆరోగ్యం ఆధారపడి ఉంటుంది.. పరగడుపున వేడి నీళ్లు తాగమని, జ్యూస్ తీసుకోమని చాలామంది చెబుతూ ఉంటారు.. మీరు ఉదయాన్నే పరగడుపున ఫ్రూట్ జ్యూస్ తాగితే మాత్రం వాటిలో వీటిని అస్సలు తీసుకోవద్దు అని చెబుతున్నారు.. ఆ ఫ్రూట్ జ్యూస్ లు ఏంటో ఇప్పుడు తెలుసుకుందాం..
తాజా పండ్ల రసం ఆరోగ్యానికి మేలు తో పాటు నష్టం కూడా చేస్తుందని గుర్తుంచుకోండి. శరీరానికి అవసరమైన విటమిన్లు, మినరల్స్, పోషకాలు ఇందులో ఉంటాయి. కాకపోతే వీటిని తీసుకోవడానికి కూడా ఒక సమయం ఉంటుంది. ఉదయాన్ని పండ్ల రసంతో అసలు మొదలు పెట్టకూడదు. ముఖ్యంగా పరగడుపున పండ్ల రసాన్ని అస్సలు తాగవద్దు అంటున్నారు ఆరోగ్య నిపుణులు.
Read More: Fruit Juice: ఇంట్లోనే ఫ్రూట్ జ్యూస్ తయారు చేస్తున్నారా..!? ఈ తప్పులు చేయకండి..!!
కొన్ని నివేదికల ప్రకారం.. సిట్రస్ ఫ్రూట్స్, సీజనల్ ఫ్రూట్స్ జ్యూస్ లను ఉదయం తాగడం మానుకోవాలి. మరీ ముఖ్యంగా నిమ్మకాయ, ద్రాక్ష, నారింజ పండ్ల రసాలను పరగడుపున అస్సలు తాగకూడదు. ఈ పండ్ల రసాలు ఖాళీకడుపుతో తీసుకోవడం వలన పొట్టలో ఎసిడిటీ పెరుగుతుందని నిపుణులు చెబుతున్నారు. వీటిలో సిట్రస్ కంటెంట్ అధికంగా ఉంటుంది. ఇది అందరి ఆరోగ్యానికి మంచిది కాదు. పరగడుపున కాకుండా వీటిని అల్పాహారం, సాయంత్రం సమయాల్లో తీసుకుంటే ఆరోగ్యానికి మంచిది. పరగడుపున మాత్రం ఈ మూడు రకాల జ్యూసులను అసలు తాగకండి.