Empty Stomach: మనం తీసుకునే ఆహారమే మన ఆరోగ్యానికి రక్ష.. ఉదయం పూట మనం తీసుకునే ఆహారం ఆరోజు మొత్తాన్ని నిర్ణయిస్తుంది.. ఆరోగ్యకరమైన ఆహారాన్ని తీసుకుంటే ఆ రోజంతా ఆక్టివ్ గా ఉంటారు.. ఉదయం పరగడుపున మనం తీసుకునే డిటాక్స్ ఫై డ్రింక్స్, పండ్లు చాలా ముఖ్యం.. రాత్రి భోజనం తర్వాత సుమారుగా 10 గంటల తరువాత మనం తీసుకునే ఆహారం చాలా హెల్తీ గా ఉండాలి.. ఉదయం పరగడుపున ఖాళీకడుపుతో ఎటువంటి తీసుకుంటే ఎలాంటి ప్రయోజనాలు చేకూరుతాయో ఇప్పుడు చూద్దాం..!
ప్రతిరోజూ ఉదయం నిద్రలేవగానే బొప్పాయిని తినమని ఆరోగ్య నిపుణులు చెబుతున్నారు. ఈ పండులో ఉండే పీచు పదార్ధాలు జీర్ణక్రియ వ్యవస్థను ఆరోగ్యంగా ఉంచడానికి సహాయపడతాయి. అంతేకాకుండా మన శరీరంలో పేరుకున్న విషపదార్థాలను బయటకు నెట్టి వేస్తుంది. కొలెస్ట్రాల్ ను కరిగిస్తుంది. అదే విధంగా ఉదయం పరగడుపున నానబెట్టిన డ్రైఫ్రూట్స్ ఆరోగ్యానికి ఎంతో మేలు చేస్తాయి జ్ఞాపక శక్తిని పెంపొందించి, మనస్సు నిశ్చలంగా ఉండేలా చేస్తుంది. కచ్చితంగా ఈ డ్రైఫ్రూట్స్ లో బాదం, పిస్తా, వాల్ నట్స్, అంజిరా, జీడిపప్పు, కిస్మిస్ ఉండేలా చూసుకోవాలి. వీటిని నానబెట్టిన నీటిని పారబోయకుండా ఆ నీటిని కూడా తాగితే పోషకాలు సమృద్ధిగా లభిస్తాయి. వీటిని తీసుకోవడం వల్ల శరీరం ఫిట్ గా ఉంటుంది.
ఉదయం లేవగానే పరగడుపున ఒక గ్లాస్ గోరు వెచ్చని నీరు తాగమని ఆరోగ్య నిపుణులు పదే పదే చెబుతూ ఉంటారు. అటువంటి డిటాక్స్ ఫై డ్రింక్స్ లో జీలకర్ర నీళ్లు కూడా ఒకటి.. రాత్రి పడుకునే ముందు ఒక గ్లాసు నీటిలో జీలకర్ర వేసి రాత్రంతా నానబెట్టాలి. ఉదయం ఆ నీటిని ఖాళీ కడుపుతో తాగితే శరీరంలో పేరుకుపోయిన విష మలినాలను బయటకు పంపేస్తుంది. జీవక్రియ రేటును మెరుగుపరుస్తుంది. బరువు తగ్గడానికి దోహదపడుతుంది.