Epiphora: సాధారణంగా ఏడ్చినప్పుడు కంటి నుంచి నీళ్లు వస్తాయి.. కొన్నిసార్లు కళ్లల్లో దుమ్ము, ధూళి, దురద ఉన్నప్పుడు కళ్ల నుంచి నీరు కారడం సహజం.. ఇలాంటి సమస్యలు ఏవి లేకుండా కంటి నుంచి నీరు కారుతూ ఉంటే మాత్రం జాగ్రత్త వహించాలని ఆరోగ్యనిపుణులు చెబుతున్నారు.. కళ్ళల్లో నుంచి ఎక్కువగా నీళ్లు వస్తూ ఉంటే మాత్రం ఈ టిప్స్ కచ్చితంగా ఫాలో అవ్వాలి.. !!
రోజ్ వాటర్ కంటి ఇన్ఫెక్షన్, అలర్జీ లను తొలగిస్తుంది. రోజ్ వాటర్ లో లో ఒక కాటన్ బాల్స్ ను ముంచి.. ఆ కాటన్ ప్యాడ్ ను తలపై ఉంచాలి ఒక ఐదు నిమిషాల తర్వాత దీనిని తీసేయాలి ఇలా చేయటం వలన కంటికి విశ్రాంతి లభిస్తుంది. రోజు ఇలా చేయడం వలన కళ్ల నుంచి నీరు కారడం తగ్గుతుంది. అలాగే ఒక కాటన్ క్లాత్లో ఐస్ క్యూబ్స్ వేసి కంటిపై ఉంచినా కూడా ఉపశమనం లభిస్తుంది. కంటి ఆరోగ్యానికీ కీరదోస మంచిది. కీరదోసకాయ ముక్కలను సన్నగా కోసుకుని వాటిని కళ్లపై ఐదు నిమిషాల పాటు ఉంచితే కళ్ళు రిలాక్స్ అవుతాయి. కళ్ళ పైన పడిన ఒత్తిడి, స్ట్రెస్ తగ్గి కళ్ల నుంచి నీరు కారకుండా చేస్తుంది.
క్యారెట్ జ్యూస్ కంటి ఆరోగ్యాన్ని పదిలంగా ఉంచుతుంది. కళ్ళ సమస్యలను తొలగిస్తుంది. కంటి నుంచి నీరు కారుతున్న వారు మీ డైట్లో క్యారెట్ ను తీసుకోవడం మర్చిపోకండి. ఈ రోజు మీరు తీసుకునే ఆహారంలో క్యారెట్ ను భాగం చేసుకోండి. ప్రతి రోజూ క్యారెట్ జ్యూస్ తాగుతూ ఉంటే కళ్ల నుంచి నీరు కావడం నుంచి త్వరగా ఉపశమనం లభిస్తుంది.