Akkala Karra: ప్రకృతిలో ఎన్నో ఔషధ మొక్కలు.. ఏ మొక్క ఏ విధంగా ఉపయోగపడుతుందో తెలుసుకుంటే దాని ప్రయోజనాలు పొందడం తేలికే.. అటువంటి ఔషధ గుణాలు కలిగిన మొక్కలలో అక్కలకర్ర కూడా ఒకటి.. ఏ మూలికను ఏ విధంగా ఉపయోగిస్తే ఎటువంటి ఆరోగ్య ప్రయోజనాలు చేకూరుతాయి ఇప్పుడు తెలుసుకుందాం..
అక్కల కర్ర అన్ని రకాల ఆయుర్వేద మెడికల్ షాప్స్ లో దొరుకుతుంది. దీనిని తెచ్చుకుని దంచి పొడి చేసుకుని నిల్వ చేసుకోవాలి . ప్రతి రోజు అర చెంచా పొడిలో కొద్దిగా తేనె కలిపి రెండుపూటలా తీసుకుంటే జ్ఞాపక శక్తి పెరుగుతుంది. మాటలు స్పష్టంగా వస్తాయి. అక్కల కర్ర పొడి, మిరియాల పొడి సమపాళ్ళలో తీసుకుని తేనె కలిపి తీసుకుంటే మూర్ఛ తగ్గుతుంది. ఒక గ్లాసు నీటిలో ఈ పొడిని వేసి బాగా మరిగించాలి. ఈ కషాయాన్ని తాగితే జలుబు,దగ్గు, పడిశం మటుమాయం అవుతాయి.
అక్కలకర్ర చూర్ణం, చందనం, నెయ్యి, పంచదార అన్నింటినీ సమభాగాలుగా తీసుకొని కలిపి తీసుకుంటే రుతుక్రమ దోషాలు తొలగిపోతాయి. పీరియడ్స్ సమయంలో వచ్చే అన్ని రకాల నొప్పులను తగ్గిస్తుంది. ఈ పొడిని చందనం పొడి తో కలిపి వాపులు ఉన్నచోట రాస్తే త్వరగా తగ్గిపోతాయి. సెగ గడ్డలు, చీము గడ్డలు, బొబ్బలు ఉన్నచోట పట్టులాగా వేస్తే అవి త్వరగా పగిలిపోతాయి. అక్కల కర్ర వేరు అరగదీసి ఆ గంధాన్ని నాలుక పైన రాస్తూ ఉంటే నత్తి తగ్గుతుంది. అలా అని మరి ఎక్కువ రాస్తే నోరు మండుతుంది.
