Cucumber Seeds: ఎండాకాలం శరీరానికి చలువ చేసేవి.. డీహైడ్రేషన్ బారినపడకుండా ఆరోగ్యానికి మేలు చేసేదే కీరదోస.. సాధారణం ప్రతి ఒక్కరు కీరదోస తినేటప్పుడు చేసే తప్పేంటంటే.. వాటి విత్తనాలు పూర్తిగా తీసేసి తింటుంటారు.. కీరదోస విత్తనాలతో సహా తినాల్సిందే.. లేదంటే అందులో ఉండే పోషకాలను కోల్పోయి సగం ప్రయోజనాలను మాత్రమే పొందుతాము.. వీటిని విత్తనాలతో కలిపి తింటే ఎటువంటి ప్రయోజనాలు కలుగుతాయంటే.!?
మన శరీరానికి కావలసిన ఎన్నో పోషకాలు కీరదోస విత్తనాలలో ఉంటాయి. అమైనో యాసిడ్, రైబోఫ్లేవిన్, ఐరన్, కాల్షియం, ఫాస్పరస్, ఐరన్ , మెగ్నీషియం, కెరోటిన్, థయమిన్, విటమిన్స్ ఈ విత్తనాలలో ఉంటాయి.. ఇది రోగనిరోధక శక్తిని పెంపొందిస్తాయి. మన శరీరంలోని కణాలను రక్షిస్తాయి. కణాలు దెబ్బతినకుండా కాపాడతాయి. ఈ విత్తనాలు మెదడు పనితీరును మెరుగుపరుస్తాయి. జ్ఞాపక శక్తిని పెంపొందిస్తాయి. ఇందులో ఉండే కాల్షియం ఎముకలు, దంతాలు దృఢంగా ఉంచుతుంది.
100 గ్రాముల కీర దోసకాయలో సుమారు 90 గ్రాముల క్యాల్షియం లభిస్తుంది. శరీరానికి ఒక రోజు కావలసిన కాల్షియం మొత్తం ఈ కీరదోస వలన లభిస్తుంది. అటువంటి కీరదోసను విత్తనాలతో సహా తింటే కీళ్ల నొప్పులు, కాళ్ళ నొప్పులు, కండరాల వాపు నుంచి ఉపశమనం లభిస్తుంది. కీరదోస లో వాటర్ కంటెంట్ అధికంగా ఉంటుంది ఇది వేసవిలో దాహార్తిని తీర్చడం తోపాటు శరీరం డీహైడ్రేషన్ బారిన పడకుండా చేస్తుంది. దేహంలోని వేడిని తొలగించి శరీరానికి చలువ చేస్తుంది.