Leaves: ఈ ఆకులతో అదిరిపోయే ప్రయోజనాలు ఉంటాయని ఊహించారా.!?

Leaves: అద్భుతమైన రుచిని అందించే ఆరోగ్యకర పండ్లలో సపోటా కూడా ఒకటి.. అధిక పోషకాలు కలిగి ఉన్న ఈ పండు ఆరోగ్యాన్ని అందించడంలో ముందుంటుంది.. సపోటా తీసుకుంటే శరీరానికి తక్షణ శక్తిని అందించడం తోపాటు.. అనేక రకాల అనారోగ్య సమస్యలను నయం చేస్తుందని అందరికీ తెలిసిన విషయమే.. కానీ ఈ సపోటా పండే కాదు ఆకులు కూడా ఆరోగ్యానికి మేలు చేస్తాయని అతి కొద్దిమందికి మాత్రమే తెలుసు.. సపోటా ఆకుల వలన కలిగే ఆరోగ్య ప్రయోజనాలు గురించి ఇప్పుడు తెలుసుకుందాం..!

సపోటా చెట్టు ఆకులలో బోలెడు ఔషధ గుణాలు ఉన్నాయి.. చెట్టు ఆకులలో ఆంటీ ఆక్సిడెంట్స్, యాంటీ బ్యాక్టీరియల్, యాంటీ వైరల్, యాంటీ ఫంగల్ గుణాలను కలిగి ఉంది. సపోటా ఆకులను కడిగి వాటిని చిన్న చిన్న ముక్కలుగా కట్ చేసుకోవాలి. ఒక గ్లాస్ నీటిని తీసుకొని చిటికెడు పసుపు సపోటా ఆకులను అందులో వేసి బాగా మరిగించాలి. తర్వాత ఈ నీటిని వడపోసుకొవాలి. ఇలా తయారుచేసిన కషాయాన్ని తాగితే తలనొప్పి ఇట్టే తగ్గిపోతుంది. పంటి నొప్పి సమస్యతో బాధపడుతున్న వారు కూడా ఈ కషాయాన్ని తాగితే పంటి నొప్పి తగ్గుతుంది. ఈ కషాయం లో కొద్దిగా తేనె కలుపుకుని తాగితే కాళ్ల నొప్పులు తగ్గిపోతాయి..

సపోటా ఆకులలో సూక్ష్మ క్రిములను చంపే గుణాలను కలిగి ఉంది. అంతే కాకుండా ఈ ఆకులలో ఉండే యాంటీ ఆక్సిడెంట్స్ శరీరంలోని వాపులను తగ్గిస్తుంది. తలనొప్పి తీవ్రస్థాయిలో ఉన్నప్పుడు సపోటా ఆకులను ఆముదం లో వేయించి నోసలపై కట్టుకుంటే తలనొప్పి త్వరగా తగ్గిపోతుంది. ఇలా చేయటం వలన నిద్ర కూడా పడుతుంది..