Sugarcane: చలికాలంలో పండించే చెరుకు వేసవి తాపాన్ని తగ్గించడానికి సహాయపడుతుంది.. ఎండాకాలం ఎంత నీరు తాగిన దాహార్తి తగ్గదు.. నీరు కంటే కూడా సహజసిద్ధమైన పానీయాలను తాగడానికి మక్కువ చూపిస్తారు.. వీటిలో అత్యంత ప్రజాదరణ పొందినది చెరుకురసం.. వేసవిలో నిమ్మ, అల్లం తో కూడిన ఒక గ్లాసు చెరుకు రసాన్ని తాగితే ఎటువంటి ఆరోగ్య లాభాలు కలుగుతాయి ఇప్పుడు చూద్దాం..!
చెరుకు రసం లో ఐరన్, మెగ్నీషియం, ఎలక్ట్రో లైట్స్, యాంటీ ఆక్సిడెంట్స్ సమృద్ధిగా లభిస్తాయి. ఈ శీతల పానీయాన్నీ తీసుకుంటే అలసట పోయి తక్షణ ఎనర్జీని అందిస్తుంది. ఇందులో ఉండే పోషకాలు డీహైడ్రేషన్ కు గురి కాకుండా చేస్తాయి. శరీరంలోని అదనపు నీరు, ఉప్పు మూత్రం ద్వారా బయటకు వెళ్లేలా చేస్తాయి. ఎండాకాలంలో ఇన్ఫెక్షన్ల బారిన పడకుండా చేస్తాయి. ఇందులో ఉండే యాంటీ ఆక్సిడెంట్స్ ఖండాలను పునరుత్తేజం చేసి వృద్ధాప్య ఛాయలు రాకుండా చేస్తుంది. చర్మ ఆరోగ్యాన్ని పెంపొందిస్తాయి..
వేసవి లో చెరుకు రసం ని ఒకటి లేదా రెండు గ్లాసులు తాగితే శరీరంలో ఉష్ణాన్ని తగ్గించి శరీరాన్ని చల్లబరుస్తుంది. శరీరానికి చలువ చేస్తుంది. అంతేకాకుండా వేసవిలో వడదెబ్బ తగలకుండా చేస్తుంది. ఈ కాలంలో వచ్చే వేడి బొబ్బలు, ఉడుకు వాతం, సెగ గడ్డలకు ఈ శీతల పానీయం అద్భుతంగా పనిచేస్తుంది.