ఆఫీసు ఇళ్లల్లో పని ఒత్తిడి, అధిక శారీరక శ్రమ ఎక్కువగా తిరగడం వల్ల తీవ్రమైన శారీరక నొప్పులు, అలసట ఎదురవుతాయి.. ఒకప్పుడు ఈ సమస్యలు పెద్దవారిలోనే కనిపించాయి.. నేటి రసాయనిక ఆహారం కారణంగా చిన్న వయసు వారిలో కూడా ఈ సమస్యలు తలెత్తుతున్నాయి.. అలసట, ఒంటి నొప్పులు సమస్యతో మీరు కూడా బాధపడుతుంటే.. ఈ సింపుల్ చిట్కాలను ఆచరించండి.. వెంటనే ఫలితాలు కనిపిస్తాయి..!
శారీరక నొప్పులు తగ్గించడానికి పసుపు అద్భుతంగా పనిచేస్తుంది. పసుపులో యాంటీ బ్యాక్టీరియల్ , యాంటీ ఇన్ఫ్లమేటరీ, యాంటీ వైరల్ గుణాలు సమృద్ధిగా ఉన్నాయి. ఒక గ్లాసు గోరువెచ్చని పాలలో చిటికెడు పసుపు కలుపుకొని తాగితే ఒంటి నొప్పులు తగ్గడమే కాకుండా అలసట నుంచి తక్షణ ఉపశమనం అందుతుంది.. అంతేకాకుండా హాయిగా నిద్ర పడుతుంది.. అల్లం కూడా ఒంటి నొప్పులు తగ్గించడానికి అద్భుతంగా సహాయపడుతుంది. ప్రతిరోజు ఉదయం పరగడుపున అల్లం, ఉప్పు, నిమ్మరసం కలిపిన ఓ చిన్న ముక్కను తింటే అన్ని రకాల శారీరక నొప్పులను తగ్గిస్తుంది. లేదంటే అల్లం టీ తాగితే బాడీపెయిన్స్ నుంచి వెంటనే రిలీఫ్ అందిస్తుంది..
బాడీ మసాజ్ వలన కూడా శారీరక నొప్పులు తగ్గుతాయి. కొబ్బరి నూనె లేదా ఆవనూనె తో గనుక బాడీ మసాజ్ చేసుకుంటే బాడీపెయిన్స్ నుంచి వెంటనే ఉపశమనం లభిస్తుంది. అలసట బాడీపెయిన్స్ రావడానికి శరీరంలో తగినంత నీటి శాతం లేకపోవడమే కాబట్టి నీళ్లు ఎక్కువగా తాగుతూ ఉండాలి..