Tingling sensation: సాధారణంగా మనలో అందరికి అప్పుడప్పుడు కాళ్లు, చేతులు లో తిమ్మిర్లు వస్తుంటాయి.. ఓకే చోట ఎక్కువ సేపు కూర్చోవడం వల్ల ఆయా భాగాల్లో రక్త ప్రసరణ జరగక ఈ సమస్య వస్తుంది.. ఎప్పుడో ఒకసారి వస్తే పర్లేదు కానీ.. తరచుగా వస్తుంటే మాత్రం జాగ్రత్తలు తీసుకోవాలి.. తిమ్మిర్లు రాకుండా ఉండేందుకు ఇవి తినండి చాలు..
తరచుగా తిమ్మిర్లు వస్తుంటే ఒక గ్లాసు గోరువెచ్చని నీటిలో కొద్దిగా ఎప్సం సాల్ట్ వేసి ఆ నీటిని తిమ్మిర్లు వచ్చిన చోట పోస్తే త్వరగా తగ్గిపోతాయి. అలాగే రోజు స్నానం చేసేటప్పుడు గోరువెచ్చటి నీటిలో కొద్దిగా ఎప్సం సాల్ట్ వేసి స్నానం చేస్తే తిమ్మిర్లు రాకుండా ఉంటాయి. ఒక గ్లాసు గోరువెచ్చటి నీటిలో చిటికెడు దాల్చిన చెక్క పొడి వేసి కలపాలి. ఆ నీటిని నిద్రకు ముందు తాగినా కూడా తిమ్మిర్లు రావు. రోజు మధ్యాహ్నం ఒక కప్పు పెరుగు తిన్న కూడా తిమ్మిర్ల సమస్య రాకుండా నివారిస్తుంది.
చాలా మందికి నిద్రలో కాళ్లు చేతులు తిమ్మిర్లు వస్తుంటాయి. అలాంటి వారు నిద్రకు ముందే ఒక గ్లాసు గోరువెచ్చని నీటిలో ఒక చెంచా యాపిల్ సైడర్ వెనిగర్, ఒక స్పూన్ తేనె కలిపి తాగాలి. ఇలా తాగితే తిమ్మిర్లు తగ్గుతాయి. తిమ్మిర్లు వచ్చిన వెంటనే ఇలా తాగితే త్వరగా తగ్గుతుంది. రోజు రాత్రిపూట ఆలివ్ ఆయిల్ తో కాళ్ళు, చేతులు బాగా మర్దన చేసుకోవాలి. ఇలా చేయడం వలన శరీరంలో రక్త ప్రసరణ జరిగి తిమ్మిర్లు రాకుండా ఉంటాయి.