Sugar Cane: చెరుకు తినడానికి తీయగా ఉంటుందని.. దీని నుండి పంచదార, బెల్లం తయారు చేస్తారని చాలామంది చేరుకుని తినడానికి వెనకడుగు వేస్తారు.. కానీ చెరుకు మన ఆరోగ్యానికి ఎంతో మేలు చేస్తుంది. ఎందుకంటే ఇది సహజ సిద్ధమైన స్వీట్నర్ కాబట్టి.. చెరుకులో ఫైబర్‌ తోపాటూ ప్రోటీన్లు, పొటాషియం, కాల్షియం, ఐరన్, జింక్, అమైనా యాసిడ్లు ఉంటాయి. ఇవి మన శరీరంలో అధిక బరువును తగ్గిస్తాయి. అంతే కాదు… కాన్సర్ వచ్చే ప్రమాదాన్ని ఈ డ్రింక్ తగ్గిస్తుంది. అలాగే… కొలెస్ట్రాల్ తగ్గేందుకు కూడా ఇది ఉపయోగపడుతుంది.
చెరుకు రసంలో కేలరీలు తక్కువగా ఉంటాయి. 220 గ్రాముల చెరుకు రసంలో.. 180 కేలరీల శక్తి ఉంటుంది. పంచదార 30 గ్రాములు మాత్రమే ఉంటుంది. మన శరీరంలో అనవసరంగా ఉండే LDL కొలెస్ట్రాల్, ట్రైగ్లిసెరైడ్స్‌ని కరిగిస్తుంది. చెరుకు లో క్యాల్షియం , విటమిన్స్, మినరల్స్ ఉంటాయి. చిన్న చెరుకు ముక్క లేదంటే ఒక్క గ్లాస్ చెరుకు రసం తాగితే సుమారు 250 క్యాలరీల శక్తి లభిస్తుంది. నీరసం వచ్చినా ఒక్క గ్లాస్ చెరుకు రసం తాగితే తక్షణం శక్తి వస్తుంది. చెరుకు శరీరంలో నీటి స్దాయిని పెంచి ఎండ వేడిమి ని తగ్గిస్తుంది. చెరుకు శరీరంలో ఉన్న ప్రొటీన్స్ ను సమతూల్యం చేస్తుంది. ఇంకా మూత్ర సంబంధిత వ్యాధులను నివారిస్తుంది. పచ్చకామెర్ల వ్యాధికి చెరుకురసం అద్భుతమైన. జలుబు, తుమ్ములతో బాధపడుతున్నవారు ఒక్క గ్లాసు చెరుకురసంతో ఉపశమనం పొందుతారు. డీహైడ్రేషన్ వల్ల కిడ్నీలలో ఏర్పడే రాళ్ళను కరిగించడానికి చెరుకురసం ఎంతో సహాయపడుతుంది. ప్రతిరోజూ చెరుకురసం తాగితే నోటి దుర్వాస సమస్య నుంచి బయటపడతారు.జీర్ణ వ్యవస్థను మెరుగు పడుతుంది.
40 ఏళ్లు దాటిన స్త్రీలకు శరీరంలో క్యాల్షియం లెవెల్స్ తగ్గుతాయి. అలాంటి వారు చెరుకురసం తాగితే క్యాల్షియం స్దాయిలు పెరుగుతాయి. అలాగే మూత్ర సంబంధిత సమస్యలను కూడా తొలగిస్తుంది. నెలసరి సమయంలో వచ్చే నొప్పిని కూడా తగ్గిస్తుంది. ప్రెగ్నెన్సీ సమయంలో కూడా మహిళలు చెరుకు రసం తాగితే బిడ్డ ఆరోగ్యానికి చాలా మంచిది. విపరీతమైన ఆకలి, నీరసంతో ఇబ్బందిపడే వారు చెరుకురసం రోజుకు తాగితే మంచిది. చెరుకు రసాన్ని రెండు చెంచాలు తీసుకుని ముఖానికి మృదువుగా రాసి ఆరనివ్వాలి. ఆ తర్వాత శుభ్రం చేసుకుంటే చర్మానికి అదనపు మెరుపు వస్తుంది.
