Eyebrow: కళ్ళు మగువ ముఖానికి నిజమైన అందాన్ని తీసుకొస్తాయి.. నయనాలు అందంగా కనిపించడానికి మేకప్ వేసుకుంటే ఆ మోము చూపు తిప్పుకోనివ్వనికుండా చేస్తుంది.. అందమైన నా కనుబొమ్మలు ముఖవర్చస్సు ను మరింత పెంచుతాయి. ఐబ్రోస్ ఒత్తుగా, వంపు తిరిగి విల్లులా కనిపించడం కోసం ఐబ్రో త్రెడ్డింగ్ చేయించుకుంటాం.. అయితే ఆ సమయంలో వచ్చే నొప్పి వర్ణనాతీతం.. ఈ సింపుల్ టిప్స్ పాటిస్తే నొప్పి ఉండదు..!!
ఐబ్రో త్రెడింగ్ చేయడానికి ముందు మీ ముఖాన్ని నీటితో బాగా కడుక్కోవాలి. ఇలా చేయడం వలన చర్మం పై ఉన్న నూనె తొలగిపోతుంది. నీటితో కడుక్కున్న తర్వాత కాటన్ వస్త్రంతో తుడిస్తే త్రెడింగ్ చేయడం సులువు అవుతుంది. సులువుగా త్రెడింగ్ అవడానికి వెంట్రుకలు విడివిడిగా వస్తాయి. త్రెడింగ్ తర్వాత నొప్పి అనిపించిన కనుబొమ్మల దగ్గర కోల్డ్ క్రీమ్, కొబ్బరి నూనె, వెన్న, బాదం నూనె, ఆలివ్ ఆయిల్ వంటివి రాసుకుంటే నొప్పి త్వరగా తగ్గుతుంది. ఐస్ క్యూబ్స్ పెట్టుకున్నా కూడా మంచి ఫలితం ఉంటుంది. అలోవెరా జెల్ రాసుకున్నా కూడా నొప్పి లేకుండా చేస్తుంది.
ఐబ్రో త్రెడింగ్ చేసే ముందు గోరువెచ్చటి నీటితో స్నానం చేయాలి. లేదంటే గోరువెచ్చటి నీటితో ముఖం కడుక్కోవాలి. వేడినీటితో ముఖం కడుక్కోవడం వలన కుదుళ్ళు బలహీనంగా మారతాయి. ఆ తరువాత త్రెడింగ్ చేయడం వలన నొప్పి తక్కువగా వస్తుంది. ఈసారి మీరు ఐబ్రో త్రెడింగ్ చేసే ముందు వేడి నీటితో ముఖం కడుక్కుని ఆ తర్వాత త్రెడింగ్ చేయించుకోండి. నొప్పి రానే రాదు.
