Flax Seeds: సాధారణంగా మనకు లభించే గింజలలో అవిసె గింజలు కూడా ఒకటి.. న్యూట్రీషన్లు తరచుగా వీటిని అందరినీ తీసుకోమని సూచిస్తుంటారు.. అయితే మనలో కొద్దిమందికి మాత్రమే ఈ గింజల ఉపయోగాలు తెలుసు.. గింజల గురించి ఒక్క మాటలో చెప్పాలంటే అందానికి అందం ఆరోగ్యానికి ఆరోగ్యం..!! అవిసె గింజల జెల్ తయారు చేసుకుని ఉపయోగిస్తే ఎటువంటి ప్రయోజనాలు చేకూరుతాయి ఇప్పుడు తెలుసుకుందాం..!!
ఈ జెల్ కోసం నాలుగు స్పూన్ల అవిసె గింజలను, ఒక చెంచా అలోవెరా జెల్, రెండు విటమిన్ ఈ క్యాప్సిల్స్, రెండు ఆల్మండ్ ఆయిల్ ను తీసుకోవాలి. ముందుగా ఒక గిన్నెలో అవిసె గింజలను వేసి రెండు కప్పుల నీటిని పోయాలి. మీరు చిక్కబడేవరకు బాగా మరిగించాలి. ఇప్పుడు ఈ నీటిని వడ పోసుకొని అందులో అలోవెరా జెల్, విటమిన్ ఈ క్యాప్సిల్స్, ఆల్మండ్ ఆయిల్ ను వేసి బాగా కలుపుకోవాలి. ఇది జెల్ లా తయారు అవుతుంది.
ఇలా తయారు చేసుకున్న ఫ్లాక్స్ సీడ్ జెల్ ను జుట్టు కుదుళ్లకు పట్టించాలి. ఆ తర్వాత కాసేపు మర్దనా చేసి ఒక గంట సేపు అలాగే ఉంచాలి. ఆతరువాత గోరు వెచ్చటి నీటితో తలస్నానం చేయాలి. జుట్టు నిగనిగలాడుతుంది. ఈ జెల్ రాసుకోవడం వల్ల జుట్టు కుదుళ్లను బలోపేతం చేస్తుంది. ఇది జుట్టు ఊడిపోకుండా, రాలిపోకుండా, జుట్టు చివర్లు చిట్లిపోకుండా చేస్తుంది. తద్వారా జుట్టు ఒత్తుగా పెరుగుతుంది. మార్కెట్లో దొరికే ప్రొడక్ట్స్ కంటే ఇంట్లో ఈ జెల్ తయారు చేసుకొని ఉపయోగిస్తే మెరుగైన ఫలితాలు కనిపిస్తాయి. ఈ జెల్ 30 రోజులపాటు ఉపయోగిస్తే జుట్టు ఒత్తుగా పెరగడానికి చూసి మీరే ఆశ్చర్యపోతారు.
