కొన్ని కలలు మనకి అస్సలు గుర్తుండవు. సరిగ్గా నిద్రపట్టని వారికి, నిద్రపోయినా అలర్ట్గానే ఉన్నవారికి, కలలు రావు. ఒకవేళ కలలు వచ్చినా తక్కువగా ఉండడం జరుగుతుంటుంది. క్రమంగా వారు వారి కలలను గుర్తుకు తెచ్చుకోలేరు. కలలను ఎందుకు మర్చిపోతున్నారో, అవి ఆరోగ్యాన్ని ఏవిధంగా ప్రభావితం చేస్తాయో, అసలు కలలను ఎలా గుర్తుపెట్టుకోవచ్చో ఇప్పుడు చూద్దాం..
మీరు ఎక్కువగా గుర్తుపెట్టుకునే కల ఏదైనా ఉంటే, అది మీరు మేల్కొనే ముందు వచ్చిన కలే.
నిద్రలో కంటి కదలికల(REM – రాపిడ్ ఐ మూమెంట్) కారణంగా ఈ కలలు వస్తుంటాయని ఓ అధ్యయనంలో తేలింది. REM నిద్రను కోల్పోవడం అంటే, కలలను కూడా కోల్పోవడం అని అర్ధం. కలలు కనే దశ ఇది. నాణ్యమైన నిద్ర లేకపోవడం మానసిక ఆరోగ్య సమస్యలను మరింత దిగజార్చుతుంది. మానసిక ఆరోగ్య రుగ్మతలు నిద్ర సమస్యలను పెంచుతాయి. మీరు మీ మనస్సులో ఒక కలతో మేల్కొంటారు. కానీ కొన్ని నిమిషాల తరువాత, ఈ కలను గుర్తుకు తెచ్చుకోవడం కష్టం. అలాంటప్పుడు వాటిని గుర్తు తెచ్చుకోవడానికి కొన్ని టిప్స్ ఉన్నాయి. నిద్రపోయే ముందు, మీరు కలలు కనాలని, ఆ కలలను గుర్తుంచుకోవాలని అనుకోండి. మంచం పక్కన ఒక నోట్ బుక్, పెన్ను ఉంచండి. మీరు నిద్ర లేచిన ప్రతిసారీ, ఏ సమయంలో అయినా, మీ కలల గురించి మీకు గుర్తున్నవి ప్రతిదాన్ని అందులో రాయండి, ముఖ్యంగా భావోద్వేగాలకు సంబంధించిన అంశాలు.
లేవడానికి ముందు ఒక్క క్షణం మీరు రాసిన నోట్స్ ను చూడండి..మీ కలలను గుర్తుంచుకోవడానికి మంచి నిద్ర మీకు హెల్ప్ అవుతుంది.మీకు కలలు గుర్తులేకపొతే, ఆందోళన చెందాల్సిన అవసరం లేదు. నిద్ర సమస్యలు, డిప్రెషన్ వంటివన్నీ ముడిపడి ఉన్నప్పటికీ, కలల కారణంగా మీకు డిప్రెషన్ ఉందని కాదు. మీకు బుద్దిమాంద్యం సంబంధించిన ఇతర సంకేతాలు ఉంటే వైద్యుడిని సంప్రదించడం మంచిది.