మన రోజువారి ఆహారంలో వెల్లుల్లిని ఉపయోగించడం ద్వారా అనేక ఆరోగ్యప్రయోజనాలను పొందవచ్చు. ఎందుకంటే ఈ వెల్లుల్లిలో యాంటీ ఇన్ఫ్లమేటరీ లక్షణాలు, రోగ నిరోధక శక్తి, అకాల వృద్ధాప్య నివారణా తత్వాలతో పాటు, రక్తనాళాల నష్టం వంటి సమస్యల నుండి కాపాడగలిగే పోషక తత్వాలు ఎక్కువగా ఉన్నాయి. వెల్లుల్లి లో చాలా మంచి ఖనిజాలు ఉన్నాయి. అంతేకాకుండా రోగనిరోధక శక్తిని పెంచే గుణాలు కూడా ఉన్నాయి.
వెల్లుల్లి చాలా రకాల జీర్ణాశయ సమస్యల నుండి ఉపశమనం కలిగిస్తుంది. ముఖ్యంగా, జీర్ణాశయాన్ని మరియు ఆకలిని మెరుగుపరుస్తుంది. వెల్లుల్లి ద్వారా మన శరీరంలోని కొవ్వును కరిగించి బరువు తగ్గించుకోవడం చాలా సులభం. వెల్లుల్లిలో విటమిన్ బి6, విటమిన్ సి, ఫైబర్, మెగ్నీషియం, కాల్షియం, ప్రోటీన్ మరియు చక్కెర ఉన్నాయి. దీన్ని బరువు తగ్గడానికి ఎలా ఉపయోగించాలో ఇక్కడ మనం తెలుసుకుందాం.
పరగడుపునే ఖాళీ కడుపుతో తురిమిన వెల్లుల్లి రెబ్బలను తేనెతో కలిపి తీసుకోవడం మూలముగా మంచి ప్రయోజనం ఉంటుంది. ఈ చిట్కా రోగ నిరోధక వ్యవస్థను మెరుగుపరచడమే కాకుండా, బరువు తగ్గడంలో, మరియు శరీరాన్ని బలంగా ఆరోగ్యంగా ఉంచడంలో కూడా సహాయపడగలదు. ఆయుర్వేదంలో వెల్లుల్లికి అత్యంత ప్రాధాన్యత ఉంటుంది.
వెల్లుల్లి నిమ్మరసంతో కలిపి తినవచ్చు. ఒక కప్పు వేడి నీటిలో కొద్దిగా నిమ్మరసం పిండుకోవాలి. అలాగే అందులోనే ఒక వెల్లుల్లి ని కచ్చా-పచ్చా దంచి ఆ నీటిలో కలుపుకోవాలి. నిమ్మ రసం మరియు వెల్లుల్లి మీ బరువు తగ్గడానికి సహాయపడతాయి. ఇంకొక ముఖ్య గమనిక వెల్లుల్లి ని అతిగా తినడం కూడా మంచిది కాదు. రోజుకు ఒకటి, రెండు మాత్రమే ఉపయోగించాలి.