Ginger: అల్లం ప్రతి ఇంటిలోనూ కూరల్లో, ఇతర వంటకాల్లో వాడుతుంటారు. అయితే అల్లం ఆరోగ్యానికి ఎంత మేలు చేస్తుందో చాలా మందికి తెలియదు. అల్లం వల్ల అనేక ఆరోగ్య ప్రయోజనాలు ఉన్నాయంటున్నారు ఆయుర్వేద వైద్య నిపుణులు. అల్లంని క్రమం తప్పకుండా ఒక క్రమ పద్దతిలో వాడితే ఆరోగ్య ప్రయోజనాలు ఉంటాయట. అల్లంను ముక్కలుగా కట్ చేసి గోరు వెచ్చని నీటిలో కానీ ఒక కప్పు టీలో గానీ, వంటలో గానీ కలిపి వాడటం వల్ల అద్భుతమైన ప్రయోజనాలను పొందవచ్చు.
అల్లంలో ఉండే యాంటీ ఇంప్లమేటరీ గుణాల వల్ల శరీరంలో మంటను వేగంగా తగ్గిస్తుంది. కొంత మందికి ఉదయం లేవగానే వికారంగా ఉంటుంది, అటువంటి వారు ప్రతి రోజు అల్లం తినడం వల్ల ఆ వికారం తగ్గుతుంది. నేరుగా అల్లం తినలేని వాళ్లు బెల్లం లేదా చక్కెరతో చేసిన ఆల్లమురబ్బ తినడం వల్ల ఆ ఇబ్బంది నుంచి బయటపడవచ్చు. ముఖ్యంగా గర్బిణీ స్త్రీలు, కీమోథెరఫీ చేయించుకునే క్యాన్సర్ పేషంట్స్ అల్లం తీసుకోవడం వల్ల ఆరోగ్య ప్రయోజనాలు పొందవచ్చు. కండరాల నొప్పులు ఉన్న వారు అల్లం తీసుకుంటే ఆ సమస్య తగ్గిపోతుందని అంటున్నారు వైద్యులు. అదే విధంగా మలబద్దకం, కడుపునొప్పి తదితర రుగ్మతలు కూడా అల్లం వల్ల తగ్గిపోతాయంటున్నారు.