ఆడవారిలో ఋతుచక్రం ఆగిపోయే దశను మెనోపాజ్ అంటారు. సహజం గా మెనోపాజ్ అనేది 40 సంవత్సరాల నుండి 50 సంవత్సరముల మధ్య వస్తుంది. ఈ ఆధునిక కాలం లో ఆహారపు అలవాట్లు తో పాటు జీవన విధానం కూడా మారడం తో కొంతమంది స్త్రీ లల్లో 40 సంవత్సరా లకు ముందే మెనోపాజ్ వచ్చేస్తోంది . దీన్ని ప్రీ మెనోపాజ్ గా పిలుస్తారు.
రతిలో ఎక్కువగా పాల్గొనేవారిలో మాత్రం మెనోపాజ్ దశ కాస్త ఆలస్యం అవుతుందని యూనివర్సిటీ కాలేజీ లండన్‌ చేసిన కొత్త అధ్యయనంలో తేలింది. దీనికి సంబంధించిన వ్యాసాన్ని రాయల్ సొసైటీ ఓపెన్ సైన్స్‌ జర్నల్‌లో ప్రచురించారు. వారం లో కనీసం ఒకసారి శృంగారంలో పాల్గొనడం వలన కూడా మెనోపాజ్ వచ్చే అవకాశాలు 28శాతం తగ్గుతాయని తమ పరిశోధనలో తేలినట్టు ప్రకటించారు.
తాజాగా చేసిన అధ్యయనం కోసం 1996-97 నుంచి దాదాపుగా 3 వేల మంది ఆడవారి పై దశాబ్ద కాలం పాటు పరిశోధనలు చేసారు. ఇందులో 78 శాతంస్త్రీలు వివాహితలు లేదా మగవారి తో రిలేషన్‌షిప్‌లో ఉన్నవారు. వీరిలో తరుచూ శృంగారంలో పాల్గొనేవారిలో మెనోపాజ్ 50 ఏళ్లు లేదా ఆ తర్వాత వచ్చినట్టు గమనించారు . శృంగారానికి దూరంగా ఉన్నస్త్రీలు 50ఏళ్ల కంటే ముందే మెనోపాజ్ కు చేరుకున్నట్టు గుర్తించారు. కాబట్టి స్త్రీలు మోనోపాజ్ త్వరగా రాకుండా ఉండేందుకు తరచుగా శృంగారం లో పాల్గొంటూ ఉంటే ఆరోగ్య సమస్యలు రాకుండా ఉంటాయి..మెనోపాజ్ దశలో శరీరం వేడిగా అవ్వడం,ఆవిర్లు రావడం సంభవిస్తుంది.
మెనోపాజ్ వచ్చే కొన్ని సంవత్సరాల ముందు నుండే ఈ లక్షణాలు కనిపించవచ్చు. కొంతకాలం తర్వాత ఈ సమస్య తగ్గుతుంది. మెనోపాజ్ దశ వచ్చిన స్త్రీలలో 75శాతం స్త్రీలు ఈ సమస్యతో బాధపడ్తారు. మెనోపాజ్ కారణంగా యోని మార్గం పొడిగా మారడం, దురద, ఇన్ఫెక్షన్స్‌ రావడం, కలయిక సమయం లో బాధాకరంగా ఉండటంవంటివి జరుగుతాయి .
