Guava: ఏడాది పొడవునా లభించే పండ్లు జామ ఒకటి.. అతి తక్కువ ధరలో సామాన్యుడికి అందుబాటులో ఉంటుంది కాబట్టే దీనిని సామాన్యుడి ఆపిల్ గా అభివర్ణిస్తారు.. జామ ఖరీదు తక్కువే అయినప్పటికీ పోషకాలు మాత్రం బోలెడు.. మన చిన్నప్పుడు అందరం జామకాయలను నాలుగు ముక్కలుగా కోసి ఉప్పు కారం పెట్టుకొని తింటూ పెరిగిన వారమే.. జామకాయలలో ఎన్ని ప్రయోజనాలు ఉన్నాయో ప్రత్యేకంగా చెప్పనవసరం లేదు.. అయితే కొంతమందికి జామ కాయ తింటే ఆరోగ్యానికి ముప్పే.. మరి జామ పండ్లను ఎవరు తినకూడదో ఇప్పుడు తెలుసుకుందాం..!!
కడుపుబ్బరం తో బాధపడేవారు జామకాయలను తినకూడదు. ఎందుకంటే జామలో విటమిన్ సి, ఫ్రక్టోస్ అధికంగా ఉంటాయి. కడుపు ఉబ్బరంగా ఉన్నప్పుడు వీటిని తింటే సమస్య తీవ్రత మరింత తీవ్రమవుతుంది.. మూత్రాశయ సమస్యలతో బాధపడే వారు కూడా జామకాయల కు దూరంగా ఉండాలి. మధుమేహం ఉన్నవారు జామ పళ్ళ ను తినవచ్చు. అయితే దానికి కూడా పరిమితి ఉంది. జామలో 9 గ్రాముల సహజమైన చక్కెర ఉంటుంది. కాబట్టి డయాబెటిస్ ఉన్నవారు జామను మితంగా తీసుకోవాలి. రెండు భోజనాల మధ్య జామపండు తినడం మంచిదే. కానీ రాత్రి పూట మాత్రం జామ పండు తినకూడదు. ఒకవేళ తింటే పొద్దున్న లేచే సరికి జలుబు, దగ్గు వచ్చే అవకాశం ఉంది. దంత చిగుళ్ల సమస్యతో బాధపడే వారు కూడా జామ పళ్ళు తినకపోవడమే ఉత్తమం..
