Cholesterol: కొలెస్ట్రాల్ అనగానే భయపడిపోతారు చాలా మంది.. సాధారణంగా కొలెస్ట్రాల్ లో రెండు రకాలు ఉంటాయి హెచ్ డి ఎల్ HDL, ఎల్ డి ఎల్ LDL.. వీటిలో హెచ్ డి ఎల్ కొలస్ట్రాల్ ఆరోగ్యానికి మేలు చేసేది.. ఈ కొలెస్ట్రాల్ లివర్ ఆరోగ్యానికి మంచిది అని తాజా అధ్యయనాల్లో తేలింది..!!
పేగుల్లో నుంచి పుట్టుకొచ్చే ప్రత్యేకమైన HDL 3 కొలెస్ట్రాల్ మన ఆరోగ్యానికి మేలు చేస్తుంది. ఇది పేగులలోని బ్యాక్టీరియా ఉత్పత్తి చేసే వాపు ప్రక్రియ సంకేతాలు కాలేయానికి వెళ్లకుండా అడ్డుకుంటుందనీ పరిశోధకులు కనుగొన్నారు. హెచ్ డి ఎల్ త్రీ అడ్డుకోకపోతే ఈ బ్యాక్టీరియా సంకేతాలు పేగుల నుంచి కాలేయానికి చేరుకుంటాయి అక్కడినుంచి రోగనిరోధక కణాలను ఉసిగొలిపి వాపు ప్రక్రియ స్థితిని ప్రేరేపిస్తాయి. దాంతో కాలేయ సంబంధిత సమస్యలు వస్తాయి.
HDL 3 కొలెస్ట్రాల్ కాలేయాన్ని దెబ్బతినకుండా కాపాడుతునట్లు పరిశోధకులు గుర్తించారు.. అందువలన HDL 3 కొలెస్ట్రాల్ మోతాదును పెంచుకో గలిగితే కాలేయానికి మేలు చేస్తుందని పరిశోధకులు చెబుతున్నారు. మంచి కొలెస్ట్రాల్ ఎక్కువగా లభించే ఆహార పదార్థాలను మన డైట్ లో భాగం చేసుకుంటే లివర్ ప్రాబ్లమ్స్ రావని నిపుణులు సూచిస్తున్నారు.. చేపలు, ఆలివ్ ఆయిల్, బీన్స్, పప్పు దినుసులు, వంటివి మన డైట్ లో భాగం చేసుకోవాలి. అవకాడో, వాల్ నట్స్, డ్రై ఫ్రూట్స్ చిరుధాన్యాలు రోజులో ఎక్కువ మొత్తంలో తీసుకోవాలి.
