Lemon Grass: లెమన్ గ్రాస్ ఆరోగ్యానికి మంచిది అని అందరికీ తెలిసిందే.. ముఖ్యంగా డయాబెటిస్ వారు ఈ గ్రాస్ రసాన్ని ప్రతి రోజూ ఉదయం పరగడుపున తాగితే డయాబెటీస్ లెవెల్స్ నియంత్రణలో ఉంటాయి.. అంతే కాకుండా ఈ గ్రాస్ జ్యూస్ అనేక రకాల అనారోగ్య సమస్యలను తగ్గిస్తుంది.. ఈ లెమన్ గ్రాస్ నుంచి తీసిన నూనెను జుట్టు కుదుళ్లకు, చర్మ సంరక్షణకు అద్భుతమైన ఔషధం.. ఆయుర్వేదంలో ఈ నూనెను పూర్వ కాలం నుండి ఉపయోగిస్తున్నారు.. అరోమాథెరపీ కి ఈ నూనెను ఎక్కువగా వాడతారు.. ఈ నూనెను ఏ విధంగా ఉపయోగిస్తే ఎటువంటి ప్రయోజనాలు కలుగుతాయో ఇప్పుడు తెలుసుకుందాం..!
లెమన్ గ్రాస్ ఎసెన్షియల్ ఆయిల్ చర్మాన్ని బిగుతుగా చేయడంలో సహాయపడుతుంది. మీరు ముఖానికి ఆవిరి పట్టే నీటిలో రెండు చుక్కలు ఈ ఆయిల్ వేసి ఆవిరిపడితే ముఖ వర్చస్సు పెరుగుతుంది. చర్మాన్ని కాంతి వంతంగా చేస్తుంది. ఈ ఆయిల్ లో ఉండే యాంటీ బ్యాక్టీరియల్ గుణాలు మొటిమల నివారణకు సూపర్ గా సహాయపడుతుంది. బ్యాక్టీరియాతో పోరాడటనికి అద్భుతంగా పనిచేస్తుంది. గోరువెచ్చటి నీటిలో రెండు చుక్కల లెమన్ గ్రాస్ ఎసెన్షియల్ ఆయిల్ వేసి ముఖం కడుక్కోవాలి . ఇది ముఖంపై పేరుకుపోయిన మృత కణాలు, సన్ టాన్ ను తొలగించడమే కాకుండా చర్మ రంద్రాలను క్లియర్ చేస్తుంది. మెటిమలు కారణంగా ఏర్పడిన మచ్చలను కూడా తొలగిస్తుంది. ముఖం ప్రకాశవంతంగా మెరిసేలా చేస్తుంది..
లెమన్ గ్రాస్ ఆయిల్ జుట్టు కుదుళ్లకు పట్టించి మర్దనా చేసుకోవాలి. ఇలా చేస్తే జుట్టు రాలడాన్ని నిరోధించి, వెంట్రుకల కుదుళ్లను గట్టిపరుస్తుంది. జుట్టు పెరుగుదలకు తోడ్పడుతుంది. తలలో దురదను తగ్గిస్తుంది. ఈ లెమన్ గ్రాస్ ఆయిల్ ఎసెన్షియల్ ఆయిల్ చుండ్రుని తగ్గించడానికి అద్భుతంగా సహాయపడుతుంది. మీరు ఉపయోగించే షాంపూ లో కొన్ని చుక్కల ఈ లెమన్ గ్రాస్ నూనెను వేసుకుని కలపాలి. దాంతో తల స్నానం చేస్తే చుండ్రు తగ్గుతుంది. అంతేకాకుండా ఈ ఎసెన్షియల్ ఆయిల్ ఉండే ప్రత్యేకమైన వాసన తలలో పేలను అరికడుతుంది. ఈ ఆయిల్ కు తలకు రాసుకుని దువ్వితే తలలో పేలుపోతాయి.
