Aloo Bukhara: ఆలూ బుఖారా పండు గురించి చాలా మందికి తెలుసు. కానీ దీని ఉపయోగాలు తెలియక చాలా మంది రెగ్యులర్ గా తీసుకోరు. వాస్తవానికి దీన్ని ఆహారంలో భాగంగా తీసుకుంటే అనేక ఆరోగ్య ప్రయోజనాలు కలుగుతాయని ఆయుర్వేద వైద్యులు చెబుతుంటారు. ఆలు బుఖారా పండు సాధారణంగా తీపిగా, గుజ్జులా ఉంటుంది. కొన్ని రకాలు పుల్లగానూ ఉంటాయి. దీనిలో తక్కువ కొవ్వు పదార్దం, అధిక డైటరీ ఫైబర్ కంటెంట్ కంటెంట్ కలిగి ఉంటుంది. విటమిన్లు ఏ, సీ మరియు అధిక పొటాషియం, మెగ్నీషియం, ఐరన్ కంటెంట్లో సమృద్దిగా ఉంటుంది. అదే విధంగా విటమిన్ డి, బీ 6, బీ 12, కాల్షియం కూడా ఉంటాయి. వంద గ్రాముల ఆలు బుఖారా పండ్లలో 46 కేలరీలు, 0.3 గ్రాముల కొవ్వు. 157 ఎంజీ పొటాషియం, 11 గ్రా. టోటర్ కార్పోహైడ్రైట్, 0.7 గ్రామ. ప్రొటీన్ విటమిన్లు మరియు ఖనిజాలు 6 శాతం, విటమిన్ ఏ, 12 శాతం విటమిన్ సీ, ఒక శాతం ఐరన్, ఒక శాతం మెగ్నీషియం లభిస్తాయి.
Aloo Bukhara: కొలెస్ట్రాల్ ను తగ్గిస్తుంది.
ఆలూ బుఖారా తీసుకోవడం వల్ల శరీర బరువు మెయింటైన్ చేయడంతో పాటు షుగర్ మరియు ఊబకాయంను తగ్గిస్తుంది. ఇది కొలెస్ట్రాల్ ను తగ్గిస్తుంది. బ్లడ్ సర్క్యులేషన్, జీర్ణ క్రియను, కంటి దృష్టిని మెరుగుపరుస్తుంది. అధిక రక్తపోటు, స్ట్రోక్ మరియు కరోనరీ హార్ట్ డిసీజ్ లకు దారి తీసే ప్లేట్ లెట్ గడ్డకట్టడాన్ని కూడా నిరోధిస్తుంది. కొలెస్ట్రాల్ స్థాయిలను తగ్గించడంలో పండ్లలోని ఫైబర్ సహాయపడుతుంది. ఆలూ బుఖారలో విటమిన్ బీ 6 కూడా ఉంటుంది. ఇది హోమోసిస్టీన్ స్థాయిల పెరుగుదలను నిరోధిస్తుంది. గుండెపోటు వచ్చే అవకాశాలను తగ్గిస్తుంది.
