అమృతవల్లి ఆకుల గురించి చాలా మందికి తెలిసిఉండదు. అమృతవల్లి అంటే ఏదో కాదు తిప్పతీగనే. దీన్ని ఆయర్వేదంలో ఎక్కువగా ఉపయోగిస్తుంటారు. ఆయుర్వేదం వైద్యంతో పాటు అలోపతి వైద్యానికి సంబందించిన మందుల తయారీకి కూడా ఈ తిప్ప తీగను ప్రధానంగా ఉపయోగిస్తున్నారు. ఈ ఆకులను ఆయుర్వేదంలో పూర్వం నుండే ఉపయోగిస్తున్నారు. ఎఫ్డీఏ (ఫుడ్ అండ్ డ్రగ్ అడ్మినిస్ట్రేషన్) వారు కూడా ఈ ఆకులలో చాల ఔషధ గుణాలు ఉన్నాయని ధ్రువీకరించింది. రోజు ఈ ఆకుల రసం తీసుకోవడం వల్ల చాల ఆరోగ్య సమస్యలను అధిగమించవచ్చు. ముఖ్యంగా మధుమేహ వ్యాదిగ్రస్తులు ఈ రసాన్ని తీసుకోవడం వల్ల చాల ఉపయోగాలు ఉన్నాయి. ఈ ఆకు రసం తీసుకోవడం వల్ల శరీరానికి కలిగే ఉపయోగాలను ఇప్పుడు మనం తెలుసుకుందాం.
అమృతవల్లి అని పిలిచే ఈ తిప్ప తీగ నిజంగానే అమృతవల్లి అనొచ్చు. అమృతం తాగడం వల్ల ఎలాంటి ప్రయోజనాలు కలుగుతాయో ఈ రసం తాగడం వల్ల కూడా అంతే ఉపయోగాలు కలుగుతాయి. రోజు ఉదయాన్నే తాజాగా ఉన్న ఆకులను తోసుకొని రసంలాగా మరిగించి తీసుకోవచ్చు. లేదా ఈ ఆకులను ఎండపెట్టి చూర్ణం చేసి ఆ పొడిని నీటిలో మరిగించి కూడా టీ లాగ తాగవచ్చు. ఈ రసాన్ని రోజు తాగడం వల్ల పలు రోగాల నుండి శరీరాన్ని కాపాడుకోవచ్చు. ఈ తీగలో యాంటీ ఆక్సిడెంట్స్ ఉండడం వల్ల రక్తంలోకి ప్రవేశించే బ్యాక్టీరియాతో పోరాడి రక్త సంబంధిత వ్యాధులు దరి చేరకుండా ఉపయోగపడుతుంది. అంతేకాదు కాలేయానికి సంబందించిన వ్యాధులు కూడా రాకుండా అడ్డుకుంటుంది. నిత్యం ఉదయం తీసుకోవడం వల్ల సీజనల్ విష జ్వరాలైన డెంగ్యూ, స్వైన్ ఫ్లూ, మలేరియా వంటి వాటిని పూర్తిగా నివారించగల శక్తి తిప్ప రసానికి ఉంది.
కాచి చల్లార్చిన ఈ తిప్ప ఆకు రసం తాగడం వల్ల జీర్ణవ్యవస్థను మెరుగుపరచమే కాకుండా అజీర్తి సమస్యతో బాధపడుతున్న వారికి ఇది మంచి ఔషధంలాగా పనిచేస్తుంది. తిప్పతీగ పొడిని కాస్త బెల్లంలో కలుపుకుని తింటే చాలు అజీర్తి సమస్య పోతుంది. తిప్పతీగలో ముఖ్యంగా మధుమేహాన్ని నివారించే గుణాలు మెండుగా ఉన్నాయి. ఉద్యోగం వల్ల నిత్యం కలిగే ఒత్తిడి, ఆందోళనతో ఇబ్బందిపడుతుంటే తిప్పతీగ రసంతో తొలగించుకోవచ్చు. మెదడు పనితీరును మెరుగుపరచి జ్ఞాపకశక్తి పెరుగుదలకు కృషి చేస్తుంది. శ్వాసకోశ వ్యాధులతో బాధపడేవారికి తిప్పతీగ మందులు బాగా పని చేస్తాయి. దగ్గు, జబలుబు, టాన్సిల్స్ వంటి శ్వాసకోశ సమస్యలను తగ్గించగల గుణాలు తిప్పతీగలో ఉన్నాయి. కీళ్ల నొప్పులు మోకాళ్ళ నొప్పులు పలు రకాల కీళ్ల సమస్యలను తగ్గించే గుణాలు తిప్పతీగలో చాలా ఉన్నాయి. రోజు ఒక్క ఆకు తింటే చాలు కంటిచూపును మెరుగుపరుస్తుంది. అంతేకాదు వృద్ధాప్య ఛాయలు దరి చేరకుండా చేయగల సామర్థ్యం ఈ ఆకులో ఉన్నాయి. గర్భిణీలు, చిన్నపిల్లల తల్లులు తప్ప అందరు ఈ ఔషధాన్ని తీసుకోవడం వల్ల ఎలాంటి సమస్యలు రావు.
