Banyan Tree: మహావృక్షం లా పెరిగే మర్రి చెట్టు ప్రయోజనాలు ఎక్కువ మందికి తెలియదు ప్రతి ఊరిలో కనిపించే ఈ చెట్టు నీడ చల్లదనాన్ని అందించడంతో పాటు ఆరోగ్యాన్ని పెంపొందిస్తుంది.. మర్రి చెట్టు ఆకులు, కాయలు, ఊడలు, పాలు అన్ని మన ఆరోగ్యానికి మేలు చేసేవే..!! ఇప్పుడు మర్రి చెట్టు పాలు వలన కలిగే ఆరోగ్య ప్రయోజనాలు గురించి తెలుసుకుందాం రండి..!!
మర్రి చెట్టు పాలు పైల్స్ సమస్య ను తగ్గిస్తుంది. పుండ్లు, గాయాలు ఉన్నచోట ఈ పాలు రాస్తే త్వరగా మానిపోతాయి. కీళ్ల నొప్పులను ఈ పాలు తగ్గిస్తాయి. నొప్పులు ఉన్నచోట ఈ పాలు రాయాలి. పులిపిర్లు ఉన్నవారు ఈ చెట్టు ఆకుల నుంచి వచ్చే పాలు వాటి మీద రాయాలి. ఇలా క్రమం తప్పకుండా రాస్తూ ఉంటే అవి రాలిపోతాయి.
మర్రి చెట్టు పాలను తీసుకొని అందులో కొద్దిగా ఆవాల నూనె కలపాలి. ఈ మిశ్రమాన్ని చెవిలో వేస్తే చెవిపోటు తగ్గుతుంది చెవిలో ఇన్ఫెక్షన్, చెవి నొప్పి తగ్గిస్తుంది. పిప్పి పన్ను, పంటి నొప్పి సమస్యతో బాధపడుతున్నవారు మూడు చుక్కల మర్రి పాలు ఆ పంటిపై వేస్తే తక్షణ ఉపశమనాన్ని అందిస్తుంది. ఒక గ్లాస్ పాలు తీసుకొని అందులో 5 చుక్కల మర్రి పాలు వేయాలి. ఈ పాలను ప్రతి రోజూ తాగుతూ ఉంటే రక్త మొలలు, మొలల నుండి రక్తం పడటం తగ్గిస్తుంది.
